మైత్రీ తో సాహో అంటున్న బన్నీ

స్టైలిష్ స్టార్ అల్లు అర్జున్ నెక్స్ట్ ఫిలిం అధికారిక ప్రకటన ఇంకా రాలేదు. ఇప్పటివరకూ ఉన్న సమాచారం ప్రకారం అయితే త్రివిక్రమ్ శ్రీనివాస్ తోనే బన్నీ సినిమా ఉంటుందని అంటున్నారు. ఈ సినిమా ను జనవరి 1 న అధికారికంగా ప్రకటిస్తారని వార్తలు వస్తున్నాయి. ఇదిలా ఉంటే బన్నీ త్రివిక్రమ్ ప్రాజెక్ట్ తర్వాత చేయబోయే సినిమాను కూడా లైన్లో పెట్టాడట.

ప్రభాస్ తో భారీ బడ్జెట్ యాక్షన్ థ్రిల్లర్ 'సాహో' ను తెరకెక్కిస్తున్న యువ దర్శకుడు సుజీత్ ఈమధ్య బన్నీ ని కల్సి ఒక ఇంట్రెస్టింగ్ స్టొరీ వినిపించాడట. కాన్సెప్ట్ నచ్చడంతో ఫుల్ స్క్రిప్ట్ డెవలప్ చెయ్యమని బన్నీ సుజిత్ కు సూచించాడట. 'సాహో' వచ్చే ఏడాది ఆగష్టు 15 న రిలీజ్ అవుతుంది కాబట్టి.. ఆ తర్వాతే బన్నీ-సుజిత్ సినిమా పట్టాలెక్కుతుంది. ఇక ఈ సినిమాను మైత్రీ మూవీ మేకర్స్ వారు నిర్మిస్తారట.

మైత్రీ వారు ఏడాది క్రితమే స్టైలిష్ స్టార్ తో సినిమా చేసేందుకు అడ్వాన్సు ఇచ్చారట. ఇప్పటికే ఇండస్ట్రీలో ఉన్న టాప్ స్టార్స్ తో వరసగా సినిమాలు నిర్మిస్తున్న మైత్రీవారు ఈసారి అల్లు అర్జున్ ను కూడా కవర్ చేయడానికి రెడీ గా ఉన్నారు. మరోవైపు సుజిత్ వద్ద కుడా మైత్రీవారి అడ్వాన్సు ఉందట. సో.. 2019 సెకండ్ హాఫ్ లో మైత్రీ - అల్లు అర్జున్ - సుజిత్ ప్రాజెక్ట్ పట్టాలెక్కడం ఖాయమే!