బ‌న్నీకి విషెస్ చెబుతూ అయాన్ ఏం చేశాడో చూశారా?

ఐకాన్ స్టార్ అల్లు అర్జున్ న‌టించిన క్రేజీ పాన్ ఇండియా మూవీ `పుష్ప ది రైజ్‌`. బ‌న్నీ - సుకుమార్ కాంబినేష‌న్ లో వ‌చ్చిన హ్యాట్రిక్ మూవీ ఇది. ర‌ష్మిక మంద‌న్న హీరోయిన్ గా న‌టించిన ఈ చిత్రం ఈ శుక్ర‌వారం వ‌ర‌ల్డ్ వైడ్ గా భారీ స్థాయిలో థియేటర్ల‌లో సంద‌డి స్టార్ట్ చేసింది.

భారీ అంచ‌నాల మ‌ధ్య విడుద‌లైన ఈ చిత్ర బృందంపై ఇండ‌స్ట్రీ వ‌ర్గాలు, ప్రేక్ష‌కులు, శ్రేయోభిలాషులు, బ‌న్నీ అభిమానులు శుభాకాంక్ష‌ల‌ వ‌ర్షం కురిపిస్తున్నారు.

సినిమా విజ‌యాన్ని కాంక్షిస్తూ మేక‌ర్స్ కి శుభాకాంక్ష‌లు తెలియ‌జేస్తున్నారు. అయితే ఇందులో బ‌న్నీ త‌న‌యుడు అల్లు అయాన్ ప్ర‌త్యేకంగా నిలిచారు. తండ్రి బ‌న్నీ న‌టించిన‌ `పుష్ప‌` విజ‌యాన్ని ఆకాంక్షిస్తూ అల్లు అయాన్ వేసిన ఓ ఫొటో ఇప్పుడు హాట్ టాపిక్ గా మారింది.

ఓ వైట్ పేప‌ర్ పై పెన్సిల్ తో చేతిలో గొడ్డ‌లి ప‌ట్టెకుని పుష్ప‌రాజ్ పాత్ర‌ని త‌ల‌పించేలా గీత‌లు గీసిన అయాన్ `పుష్ప‌` రిలీజ్ (17-12-2021) ఆల్ ద బెస్ట్ ఐకాన్ స్టార్ అల్లు అర్జున్ ` అని విషెస్ తెలియ‌జేశాడు.

ఈ ఫొటోని సోష‌ల్ మీడియా వేదిక‌గా పోస్ట్ చేసిన బ‌న్నీ ఆనందంతో మురిసిపోయాడు. `థ్యాంక్యూ సోమ‌చ్ నా చిన్ని బాబు. ఐ ల‌వ్‌యూ మై అయాన్‌. ఈ కార్డ్ తో ఈ ఉద‌యాన్ని నాకెంతో ప్ర‌త్యేకంగా మ‌లిచావు` అని త‌న ఆనందాన్ని వ్య‌క్తం చేయ‌డం ఆక‌ట్టుకుంటోంది.

బ‌న్నీ షేర్ చేసిన అయాన్ డ్రాయింగ్ ఇప్పుడు నెట్టింట చ‌క్క‌ర్లు కొడుతూ వైర‌ల్ గా మారింది. ఈ రోజు ప్ర‌పంచ వ్యాప్తంగా విడుద‌లైన `పుష్ప‌` ట్రెమండ‌స్ రెస్పాన్స్‌ని ద‌క్కించుకున్న విషయం తెలిసిందే. దీంతో బ‌న్నీ అభిమానులు అప్పుడే సంబరాలు మొద‌లుపెట్టేశారు.