మెగా హీరో కొత్త సినిమా షురూ

మెగా ఫ్యామిలీ హీరోగా అరంగేంట్రం చేసి.. కాసింత ఆలస్యంగా అయినా సక్సెస్ అందుకున్నాడు అల్లు శిరీష్. గతేడాది శ్రీరస్తు శుభమస్తు మూవీతో తొలి విజయాన్ని అందుకున్న శిరీష్.. ఆ తర్వాత మలయాళ మూవీ '1971:బెయాండ్ బోర్డర్స్' లో నటించాడు. ఈ మూవీ తెలుగు వెర్షన్ '1971 భారత సరిహద్దు' త్వరలో విడుదల కానుండగా.. ఇప్పుడు కొత్త సినిమా మొదలుపెట్టేశాడు.

ఎక్కడికి పోతావు చిన్నవాడాతో సూపర్బ్ సక్సెస్ అందుకున్న వీఐ ఆనంద్ దర్శకత్వంలో.. అల్లు అర్జున్ హీరోకా కొత్త సినిమా ప్రారంభమైంది. సురభి.. సీరత్ కపూర్ లు హీరోయిన్ లుగా నటిస్తున్న ఈ మూవీ పూజా కార్యక్రమాలను.. ఇవాళ హైద్రాబాద్ ఫిలింనగర్ దైవ సన్నిధానంలో నిర్వహించారు. ఈ సినిమాలో డైరెక్టర్ కం యాక్టర్ అవసరాల శ్రీనివాస్ కీలక పాత్ర పోషిస్తుండడం విశేషం.

మ్యూజిక్ మాస్ట్రో మణిశర్మ సంగీతం అందిస్తున్న ఈ మూవీని చక్రి దర్శకత్వంలో నిర్మిస్తున్నారు. సైంటిఫిక్ ఫిక్షన్ జోనర్ లో రొమాంటిక్ థ్రిల్లర్ రూపొందుతున్న ఈ మూవీ.. అల్లు శిరీష్ కెరీర్ ని మరో కొత్త కోణంలోకి టర్న్ చేస్తుందనే అంచనాలు ఉన్నాయి. తన గత చిత్రాలకు మించిన థ్రిల్లింగ్ ఎలిమెంట్స్ ఈ మూవీలో చాలా ఉంటాయంటున్నాడు దర్శకుడు వీఐ ఆనంద్.

Like Us on Facebook : https://www.facebook.com/Tupakidotcom/