అభిమాని ట్రైల‌ర్‌.. అల్లుడికి బాగా న‌చ్చిందే

ప‌వ‌ర్‌ స్టార్ ప‌వ‌న్‌ క‌ల్యాణ్ స‌హ‌నిర్మాత‌గా వ్య‌వ‌హ‌రిస్తూ, త‌న వీరాభిమాని నితిన్ ‘ఛ‌ల్ మోహ‌న‌రంగ‌’ సినిమాను నిర్మిస్తున్న విష‌యం తెలిసిందే. ఈ మ‌ధ్య‌నే విడుద‌ల‌య్యిన ఈ సినిమా ట్రైల‌ర్ చిత్రంపై అంచ‌నాల‌ను పెంచేసింది. ఈ ట్రైల‌ర్ చూసి,ఇంప్రెస్ అయిన మెగా అల్లుడు అల్లుశిరీష్‌ - త‌న సంతోషాన్ని ట్వీట్టర్‌ లో పంచుకున్నాడు.

‘వాట్ ఎ క్యూట్ ట్రైల‌ర్‌... వెయిటింగ్ ఫ‌ర్ దిస్‌ ఫిల్మ్‌’ అంటూ పోస్ట్ చేసిన అల్లు శిరీష్‌... హీరో నితిన్‌ కీ - ద‌ర్శ‌కుడు కృష్ణ‌చైత‌న్య‌కీ ఆల్ ది బెస్ట్ చెప్పాడు. ప‌వ‌ర్‌ స్టార్ బ్యాన‌ర్‌ - గురూజీ త్రివిక్ర‌మ్ శ్రీ‌నివాస్ పేరు టైటిల్స్‌లో చూడ‌డం సంతోషంగా ఉందంటూ ట్రైల‌ర్ యూట్యూబ్ లింక్‌ ని షేర్ చేశాడు శిరీష్‌. ప‌వ‌న్ వీరాభిమాని ట్రైల‌ర్‌ పై మెగా అల్లుడు స్పందించ‌డంతో టాలీవుడ్‌ లో చ‌ర్చ మొద‌లైంది. శీరిష్ అన్న అల్లుఅర్జున్ - ప‌వ‌ర్‌ స్టార్‌ పై స్పందించ‌మ‌న్న‌ప్పుడు ‘చెప్ప‌ను బ్ర‌ద‌ర్‌...’ అంటూ అన‌డం అప్ప‌ట్లో సంచ‌ల‌నం సృష్టించింది. ప‌వ‌ర్‌ స్టార్ అభిమానులంతా అల్లుఅర్జున్‌ కి యాంటీగా మారారు. స్టైలిష్ స్టార్ త‌మ్ముడు మాత్రం ముద్దుల మామ బ్యాన‌ర్‌ లో వ‌స్తున్న సినిమా గురించి పాజిటివ్‌ గా స్పందించి, త‌న అభిమానుల‌కు చేరువ‌వ్వాల‌ని చూస్తున్నాడు.

మెగా ఫ్యామిలీ నుంచి ఇంట్ర‌డ్యూస్ అయిన హీరోల్లో ఇప్ప‌టికీ స‌రైన గుర్తింపు కోసం ఎదురుచూస్తున్న హీరో శిరీషే. మ‌రి వీరాభిమానికి సాయం చేసిన‌ట్టు, మేన‌ల్లుడి సినిమాకి కూడా భ‌విష్య‌త్తులో ప‌వ‌న్ సాయం చేస్తాడేమో చూడాలి.