అల్లు హీరో కొత్త సినిమా కుదిరినట్లేనా?

మెగా ఫ్యామిలీ నుంచి వచ్చి.. కాసింత ఆలస్యంగా సక్సెస్ టేస్ట్ చేశాడు అల్లు శిరీష్. అరంగేట్రం చేసిన ఏళ్లు గడిచాక.. రీసెంట్ గా శ్రీరస్తు శుభమస్తు మూవీతో హిట్టు కొట్టి ట్రాక్ లోకి వచ్చేశాడు. అయితే.. తన తర్వాతి ప్రాజెక్టు విషయంలో మాత్రం ఇంకా కన్ ఫ్యూజన్ లోనే ఉన్నాడీ హీరో. నిజానికి అల్లు శిరీష్ ఓ పీరియాడిక్ డ్రామా చేయాల్సి ఉంది.

కొత్త డైరెక్టర్ తో అనుకున్న ఈ ప్రాజెక్టును.. ప్రస్తుతానికి హోల్డ్ లో పెట్టామని రీసెంట్ గా తనే అనౌన్స్ చేశాడు అల్లు శిరీష్. బడ్జెట్ విషయంలో ప్రాబ్లెమ్స్ లేకపోయినా.. ఆ ప్రాజెక్టుకు సంబంధించి లాజిస్టిక్ సమస్యలు ఉన్నాయనే హోల్డ్ లో పెట్టారట. అయితే.. ఇప్పుడు దర్శకుడు వీఐ ఆనంద్ తో ఓ సినిమా చేసేందుకు సిద్ధమవుతున్నాడట శిరీష్. రీసెంట్ గా ఆనంద్ చెప్పిన సింగిల్ పాయింట్ స్టోరీ లైన్ నచ్చడంతో.. ఫుల్ ప్లెడ్జెడ్ స్క్రిప్ట్ గా మలచాలని చెప్పాడట అల్లు శిరీష్.

అప్పూచి గ్రామం.. సందీప్ కిషన్ టైగర్ లాంటి సినిమాలు తీసిన వీఐ ఆనంద్ ప్రస్తుతం నిఖిల్ తో ఎక్కడికి పోతావు చిన్నవాడా చిత్రాన్ని ఫినిష్ చేసే పనిలో ఉన్నాడు. ఇది పూర్తి కాగానే శిరీష్ కోసం ఫుల్ స్క్రిప్ట్ రాసే పని స్టార్ట్ చేయనున్నాడని తెలుస్తోంది. అన్నీ ఓకే అయితే.. డిసెంబర్ నుంచి అల్లు శిరీష్-వీఐ ఆనంద్ ల మూవీ సెట్స్ పైకి వెళ్లే ఛాన్సులు ఉన్నాయని అంటున్నారు.

Like Us on Facebook : https://www.facebook.com/Tupakidotcom/