అల్లూవారి ఒక్క క్షణం.. అదిగో అప్పుడే

టాలీవుడ్ టాప్ ప్రొడ్యూసర్స్ లలో అల్లు అరవింద్ ఒకరు. అయితే పెద్దబ్బాయి బన్నీ ఇప్పటికే స్టార్ హీరో అయ్యి అల్లు వారి బ్రాండ్ ని చాలా పెంచేస్తున్నాడు. కానీ చిన్నబ్బాయి అల్లు శిరీష్ మాత్రం ఇంకా పూర్తి స్థాయిలో ఫామ్ లోకి రాలేకపోతున్నాడు. చివరగా శ్రీరస్తు శుభమస్తు అనే సినిమాతో వచ్చి నటుడిగా తనకంటూ ఓ గుర్తింపు తెచ్చుకున్నాడు.

అయితే ఇప్పుడు గత సినిమాలకు భిన్నంగా ఉండే కథతో రాబోతున్నాడు. ఎక్క్కడికి పోతావు చిన్నవాడా సినిమాతో మంచి హిట్ అందుకున్న విఐ.ఆనంద్ దర్శకత్వంలో ప్రస్తుతం ఒక సైన్స్ ఫిక్షన్ తరహాలో ఉండే ఒక్క క్షణం అనే సినిమాను చేస్తున్నాడు. ఈ సినిమా షూటింగ్ దాదాపు ఎండింగ్ కు వచ్చేసింది. మరికొన్ని రోజుల్లో పోస్ట్ ప్రొడక్షన్ పనులను కూడా పూర్తి చేసి డిసెంబర్ 23న రిలీజ్ చెయ్యాలని చిత్ర యూనిట్ డిసైడ్ అయ్యింది.

రీసెంట్ గా శిరీష్ ఫస్ట్ లుక్ ని చిత్ర యూనిట్ సోషల్ మీడియా ద్వారా రిలీజ్ చేస్తూ ఈ విషయాన్ని చెప్పింది. సినిమాలో శిరీష్ లుక్ చాలా కొత్తగా ఉన్నట్లు తెలుస్తోంది. ఎప్పుడు కనిపించని లుక్ లో కనిపిస్తున్నాడు. అయితే ఎక్కడికి పోతావు చిన్నవాడా సినిమా ఫస్ట్ యానివర్సరీ సందర్బంగా ఈ ఫస్ట్ లుక్ ని రిలీజ్ చేశాడు చిత్ర దర్శకుడు.