పెద్దలను భలే తప్పించావ్ శిరీష్‌

ఇప్పుడు కుర్ర మెగా హీరోలకు ఒక కష్టం వచ్చిపడింది. ఎవరన్నా కూడా మెగాస్టార్ చిరంజీవి లేక పవన్‌ కళ్యాణ్‌ పాటలను కాని, డైలాగులు కాని, ఏమన్నా ఫోటోలూ పోస్టర్లూ కాని తమ సినిమాల్లో వాడుకుంటే మాత్రం.. దానికి పెద్ద రచ్చే జరుగుతోంది. సొంత ట్యాలెంట్ చూపించకుండా ఇలా పెద్ద హీరోలను వాడుకుంటున్నారు అంటూ నెగెటివ్ కామెంట్లు వినబడుతున్నాయి.

ఒకప్పుడు ఖుషీ వంటి హిట్ సినిమాలో పవన్ స్వయంగా చిరంజీవి గురించి ఓ రెండు డైలాగులు చెబితే విని మనం మురిసిపోయాం. అప్పట్లో ఇంత నెగెటివిటీ లేదు. ఇప్పుడు మాత్రం సాయిధరమ్ తేజ్ ప్రతీ సినిమాలోనూ మావయ్యల రిఫరెన్సులు వాడుతున్నాడని.. తక్కిన మెగా హీరోలకు కూడా తప్పట్లేదని జనాలు తెగ క్రిటిసైజ్ చేస్తున్నారు. అందుకే అల్లూ శిరీష్‌ చాలా తెలివైన పని ఒకటి చేశాడంటూ ఇప్పుడు మెగా ఫ్యాన్స్ సంబరాలు చేసుకుంటున్నారు.

పవన్‌ కళ్యాణ్‌ ఫోటో పెడితే పవన్ను వాడుకున్నాడు అని.. చిరంజీవి ఫోటో పెడితే మెగా ఫ్యాన్స్ కు వలేస్తున్నాడు అంటూ కామెంట్లు వినిపిస్తున్నాయి కాబట్టి.. మనోడు 'శ్రీరస్తు శుభమస్తు' సినిమాలో అవన్నీ ఎవాయిడ్ చేశాడు. కేవలం బన్నీ - చరణ్‌ ల పెళ్ళి ఫోటోలను పెట్టి.. పని కానిచ్చేశాడు. ఇదంతా చూస్తే.. పెద్దలను భలే తప్పించావ్ శిరీష్‌ అని ఎవరైనా కూడా అనక మానరు.