బాపు బొమ్మ బుట్ట బొమ్మ బ‌న్ని ఇంట్లోనే

బాలీవుడ్ సెల‌బ్రిటీ లైఫ్ స్టైల్ తో పోలిస్తే టాలీవుడ్ సెల‌బ్రిటీ లైఫ్ కొంత భిన్నంగా ఉంటుంది. హిందీ హీరోలకు ధీటుగా వారి వైఫ్స్ బ‌హిరంగ ప్ర‌ద‌ర్శ‌న‌లు స్వేచ్ఛాయుత జీవ‌నం అన్నివేళ‌లా తెరిచి ఉంచిన పుస్త‌కం. కానీ టాలీవుడ్ స్టార్ల విష‌యంలో అలా ఎక్కువ‌గా క‌నిపించ‌దు. అయితే సోష‌ల్ మీడియా డిజిట‌ల్ యుగంలో ఇక్క‌డా ఏదైనా సాధ్య‌మే. బాలీవుడ్ సెల‌బ్రిటీల‌కు తీసిపోని స‌రికొత్త పోక‌డ‌ల‌తో టాలీవుడ్ స్టార్ వైవ్స్ కూడా దూసుకుపోతున్నారు.

న‌ట‌రంగంలో లేక‌పోయినా బాలీవుడ్ స్టార్ హీరో షాహిద్ క‌పూర్ స‌తీమ‌ణి మీరా రాజ్ పుత్ గొప్ప ఫ్యాష‌నిస్టాగా వెలిగిపోతున్నారు. నిరంత‌రం అల్ట్రా స్టైలిష్ అవ‌తార్ తో మీరా ప్ర‌ద‌ర్శ‌నలు అభిమానుల్లో చ‌ర్చ‌నీయాంశంగా మారుతున్నాయి. మీరా రాజ్ పుత్ క‌థానాయిక అవుతుందా? అన్న చ‌ర్చా నిరంత‌రం సాగుతోంది. ఇక ఇన్ స్టా స‌హా సోష‌ల్ మీడియాల్లో త‌న‌కు ఉన్న ఫాలోయింగ్ గురించి చెప్పాల్సిన ప‌ని లేదు.

ఇప్పుడు ఇదే బాట‌ను అనుస‌రిస్తూ టాలీవుడ్ ఐకాన్ స్టార్ అల్లు అర్జున్ స‌తీమ‌ణి స్నేహా అర్జున్ కూడా ఫ్యాష‌నిస్టాగా నిరూపించుకుంటున్నారు. సిస‌లైన ఫ్యాష‌న్ సెన్స్ తో గ్లామర్ లుక్స్ తో స్టార్ హీరోయిన్ ల కంటే మెరుగైన రూపంతో ఆక‌ట్టుకుంటున్నారు. సౌత్ స్టార్ వైవ్స్ కి సంబంధించి ఈ త‌ర‌హ క్రేజ్ ఇదే తొలిసారి. ఇది ఇత‌ర స్టార్ వైవ్స్ లోను స్ఫూర్తిని నింపుతుంద‌న‌డంలో సందేహం లేదు. స్నేహ సోష‌ల్ మీడియాల్లోను ఎంతో యాక్టివ్ గా ఉంటారు. ఈ వేదిక‌ల‌పై నిరంత‌రం ఫోటోషూట్ల‌ను షేర్ చేస్తూ ఫాలోవ‌ర్స్ ని పెంచుకున్నారు.

స్టార్ వైఫ్‌.. టూ పీస్ లెహంగా ధ‌రించినా.. ఈవెనింగ్ డిన్నర్ కి సింపుల్ గౌనులో క‌నిపించినా.. శాటిన్ చీరలో మెరుపులు మెరిపించినా స్నేహా అర్జున్ త‌న ప్ర‌త్యేక‌త‌ను చాటుకుంటూనే ఉన్నారు. టాలీవుడ్ స్టార్‌ వైవ్స్ లో స్నేహా యూనిక్ లుక్.. అందం కూడా ప్ర‌ధాన ఆక‌ర్ష‌ణ. తాజాగా డిజైనర్ చీరలో స్నేహ హొయ‌లు యువ‌త‌రంలో హాట్ టాపిక్ గా మారాయి. మునుపెన్నడూ లేని విధంగా తన వీపు అందాన్ని ప్ర‌ద‌ర్శించి ఆక‌ర్షించారు. ముదురు ఆకుపచ్చ-రంగు రియాంటాస్ చీర కు కాంబినేష‌న్ గా బ్యాక్ లెస్ బ్లౌజ్ ని ధరించిన స్నేహ చ‌క్కందంతో ఆక‌ట్టుకంది. ముఖ్యంగా ఆ అంద‌మైన జ‌డ‌ను అల్లిన తీరు ప‌రిశ్ర‌మ న‌టీమ‌ణుల‌కు సైతం స్ఫూర్తి అన‌డంలో సందేహం లేదు. బాపు బొమ్మ బుట్ట బొమ్మ అన్నీ స్నేహే క‌దా బ‌న్నీ? అంటూ అభిమానులు త‌మ ఫేవ‌రెట్ ని ప్ర‌శ్నిస్తున్నారు. బుట్ట బొమ్మా బుట్ట‌బొమ్మా...! అంటూ ఇక ఇంట్లోనే అతడు యుగ‌ళగీతం పాడుకునే స‌న్నివేశం ఉంది.

స్నేహ‌ ఇద్దరు పిల్లలకు మామ్ అంటే న‌మ్మ‌లేం. బ‌న్ని - స్నేహా జంట‌కు అయాన్ - అర్హ అనే ఇద్ద‌రు అంద‌మైన కిడ్స్ ఉన్న సంగ‌తి తెలిసిందే. అల్లు అర్హ ఇప్ప‌టికే గుణ‌శేఖ‌ర్ శాకుంత‌లం చిత్రంతో బాల‌న‌టిగా ప‌రిచ‌య‌మవుతోంది. త్వ‌ర‌లోనే శాకుంత‌లం రిలీజ్ కి సిద్ధమ‌వుతోంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.