బన్నీ.. దేవరకొండ నెంబర్స్ తారుమారు

ఇన్ స్టా గ్రామ్‌ లో సౌత్‌ హీరోల్లో అత్యధికంగా ఫాలోవర్స్ ను కలిగి ఉన్న హీరోగా విజయ్‌ దేవరకొండ నిలిచిన విషయం తెల్సిందే. ఇటీవలే తమ అభిమాన హీరో ఈ అరుదైన రికార్డు ను సాధించాడంటూ రౌడీ ఫ్యాన్స్ తెగ సంబురాలు చేసుకున్నారు. అయితే ఆ స్థానంను అల్లు అర్జున్‌ దక్కించుకున్నాడు. అల్లు అర్జున్ కు ప్రస్తుతం ఇన్ స్టా గ్రామ్‌ లో 13 మిలియన్ ల ఫాలోవర్స్ అయ్యారు. ఆయన తర్వాత స్థానంలో విజయ్ దేవరకొండుకు 12.9 మిలియన్‌ ల ఫాలోవర్స్ ను కలిగి ఉన్నాడు. ఇద్దరు కూడా చాలా స్పీడ్ గా తమ పాలోవర్స్ సంఖ్య ను పెంచుకుంటూ దూసుకు పోతున్నారు. ప్రస్తుతానికి నెం.1 స్థానంలో ఉన్న అల్లు అర్జున్‌ ఎన్నాళ్ల వరకు ఆ స్థానంలో ఉంటాడో చెప్పలేని పరిస్థితి.

ఇద్దరు కూడా ప్రస్తుతం పాన్‌ ఇండియా సినిమాలు చేస్తున్నారు. అలాగే ఇద్దరికి కూడా బాలీవుడ్ లో ఇతర భాషల్లో మంచి ఫాలోయింగ్‌ ఉంది. కనుక అల్లు అర్జున్‌ అతి త్వరలోనే 15 మిలియన్ ల ఫాలోవర్స్ ను క్రాస్ చేయడం అసాధ్యం ఏమీ కాదు. అలాగే విజయ్ దేవరకొండ విషయంలో కూడా సేమ్‌. ఆయన ప్రస్తుతం చేస్తున్న లైగర్‌ సినిమా విడుదల అయితే 15 మిలియన్ ల ఫాలోవర్స్ అతి తక్కువ సమయంలోనే అయ్యే అవకాశం ఉందంటున్నారు. మొత్తానికి అల్లు అర్జున్‌ మరియు విజయ్‌ దేవరకొండలు ఇన్ స్టా గ్రామ్‌ లో చాలా పోటీగా ఉన్నారు.

నువ్వా నేనా అన్నట్లుగా పరిస్థితి ఉంది. ఇద్దరు కూడా ఇతర సౌత్‌ హీరోలకు చాలా దూరంలో ఉన్నారు. పోటీ వీరిద్దరి మద్య చాలా కాలం కొనసాగే అవకాశాలు ఉన్నాయి. మరో హీరో ఈ రేసులోకి రావాలంటే కాస్త సమయం పడుతుంది అంటున్నారు. అల్లు అర్జున్ పుష్ప సినిమా పాన్ ఇండియా మూవీ కనుక ముందు ముందు మరింతగా బాలీవుడ్‌ లో మంచి గుర్తింపు దక్కించుకోవడం ఖాయం. అందుకే అల్లు అర్జున్‌ నెం.1 స్థానంలో ఎక్కువ రోజులు ఉంటాడని అంటున్నారు. అలాగే విజయ్ దేవరకొండ ఫ్యాన్స్ కూడా తమ హీరో నెం.1 కు మళ్లీ వస్తాడనే నమ్మకంతో ఉన్నారు.