బ‌న్నీ 'వ‌న్ అండ్ ఓన్లీ' అన్న‌ది అందుకేనా?

గ‌త కొంత కాలంగా మెగా ఫ్యాన్స్ కి బ‌న్నీ ఫ్యాన్స్ కి మ‌ధ్య వర్డ్స్ ఆఫ్ వార్ న‌డుస్తోంది. మా హీరో గొప్ప అని, త‌న క‌ఠోర శ్ర‌మ‌తో స్టార్ డ‌మ్ ని సొంతం చేసుకోవ‌డ‌మే కాకుండా పాన్ ఇండియా స్టార్ గా ఎదిగాడ‌ని బ‌న్నీ ఫ్యాన్స్ సోష‌ల్ మీడియా వేదిక‌గా స్టేట్ మెంట్ లు ఇస్తూ వ‌స్తున్ంనారు. దీనిపై మెగా ఫ్యాన్స్ బాహాటంగానే కౌంట‌ర్లు వేస్తున్న విష‌యం తెలిసిందే. ఆ మ‌ధ్య మెగా అభిమాని ఒక‌రు బ‌న్నీపై సంచ‌ల‌న వ్యాఖ్య‌లు చేయ‌డం చ‌ర్చ‌నీయాంశంగా మారింది.

బ‌న్నీ త‌న‌ని తాను సెల్ఫ్ మేడ్ స్టార్ గా భావిస్తున్నాడ‌ని, ఫ్యాన్స్ కూడా అదే స్థాయిలో వ్య వ‌హ‌రిస్తున్నార‌ని, 'పుష్ప‌' బ్లాక్ బ‌స్ట‌ర్ కావ‌డంతో బ‌న్నీ తీరు మారిపోయింద‌ని విమ‌ర్శ‌లు చేసిన విష‌యం తెలిసిందే. ఆ త‌రువాత ఏం జ‌రిగిందో ఏమో తెలియ‌దు కానీ మ‌ళ్లీ తాను అలా అన‌లేద‌ని, త‌న వ్యాఖ్య‌ల‌ని త‌ప్పుగా అర్థం చేసుకున్నార‌ని వివ‌ర‌ణ ఇచ్చాడు. ఆ త‌రువాత బ‌న్నీ ఫ్యాన్స్ ఫ్యూచ‌ర్ మెగాస్టార్ అంటూ నెట్టింట ప్ర‌చారం చేయ‌డం మొద‌లు పెట్టారు.

ఇది మెగా అభిమానుల్ని మ‌రింత ఇబ్బంది పెట్టింది. కావాల‌నే బ‌న్నీ మెగా అభిమానుల‌కు దూరంగా వుంటున్నారంటూ వార్త‌లు మొద‌ల‌య్యాయి. మెగా ఫ్యాన్స్ కూడా ఈ వార్త‌లు నిజ‌మేనంటూ నెట్టింట వైర‌ల్ చేశారు.

ఈ నేప‌థ్యంలో మెగాస్టార్ చిరంజీవి పుట్టిన రోజు వేడుక‌ల సంద‌ర్భంగా బ‌న్నీ యుఎస్ లో వున్నారు. త‌ను ఎలా స్పందిస్తాడా? అని అంతా ఆస‌క్తిగా ఎదురుచూశారు. గ‌త కొంత కాలంగా మెగా, అల్లు ఫ్యాన్స్ మ‌ధ్య ఏర్ప‌డిన మ‌న‌స్ప‌ర్థ‌ల నేప‌థ్యంలో బ‌న్నీచేసిన ట్వీట్ ఆస‌క్తిక‌రంగా మారింది.

ప్ర‌స్తుతం యుఎస్ లో వున్న అల్లు అర్జున్ సోష‌ల్ మీడియా వేదిక‌గా మెగాస్టార్ చిరంజీవికి పుట్టిన రోజు శుభాకాంక్ష‌లు అంద‌జేశాడు. 'మేనీ మెనీ రిట‌ర్న్స్ ఆఫ్ ద డే టు అవ‌ర్ వ‌న్ అండ్ ఓన్లీ మెగాస్టార్‌' అంటూ ట్వీట్ చేసి దానికి #HBDMegastarChiranjeevi హ్యాష్ ట్యాగ్ ని జ‌త చేశాడు. ఈ ట్వీట్ లో మెగాస్టార్ ని వ‌న్ అండ్ ఓన్లీ అని సంబోధించ‌డంతో ఇంత వ‌ర‌కు త‌న‌పై వ‌స్తున్న వార్త‌ల‌కు క్లారిటీ ఇవ్వ‌డ‌మే కాకుండా రూమ‌ర్ ల‌కు ఫుల్ పెట్టాడు. మ‌రి ఫ్యాన్స్ ఈ ట్విట్ తో అయినా త‌మ పంథాని మార్చుకుంటారేమో చూడాలి అంటున్నారు.

గ‌తంలో బ‌న్నీటాలీవుడ్ న్యూ మెగాస్టార్ అంటూ ఫ్యాన్స్ హ‌డావిడి చేసిన విష‌యం తెలిసిందే. అంత‌కు ముందు బ‌న్నీ ఓ ప్రీ రిలీజ్ ఈవెంట్ లో ప‌వ‌న్ క‌ల్యాణ్ గురించి ఫ్యాన్స్ అడిగితే 'చెప్ప‌ను బ్ర‌ద‌ర్‌' అంటూ కామెంట్ చేయ‌డంతో మెగా , అల్లు ఫ్యాన్స్ మ‌ధ్య మాట‌ల యుద్ధం మొద‌లైంది. అది అప్ప‌టి నుంచి 'పుష్ప‌' పాన్ ఇండియా హిట్ తో ప‌తాక స్థాయికి చేరింది. బ‌న్నీ తాజాగా ఇచ్చిన క్లారిటీతో అయినా ఈ వివాదం మెగా, అల్లు ఫ్యాన్స్ మ‌ధ్య స‌మ‌సిపోతుందో చూడాలి అంటున్నాయి ఇండ‌స్ట్రీ వ‌ర్గాలు.