అల్లూరితో ఆమెకు చెడిందా?

కృతి శెట్టి ఉప్పెన సినిమా మొదలుకుని తన ప్రతి సినిమా ప్రమోషన్ కార్యక్రమాల్లో హీరోలకు ఏమాత్రం తగ్గకుండా కనిపిస్తూ ఉంటుంది. ఇతర హీరోయిన్స్ తో పోల్చితే ఒకింత ఎక్కువగానే సినిమాల ప్రమోషన్ కార్యక్రమాల్లో కృతి శెట్టి కనిపిస్తూ ఉంటుంది అనడంలో సందేహం లేదు. తెలుగు పూర్తి స్థాయిలో రాకున్నా కూడా ఏదో ప్రయత్నిస్తూ ఆమె ప్రమోషన్ కార్యక్రమాల్లో పాల్గొంటూనే ఉంది.

కొత్త హీరోయిన్స్ ప్రమోషన్ కార్యక్రమాలతోనే ఎక్కువ మంది దృష్టిని ఆకర్షించాలని భావిస్తారు. సినిమా ఫలితం ఎలా ఉంటుందో తెలియదు కనుక మీడియాలో కనిపిస్తే మంచి రీచ్ వచ్చి ఆఫర్లు వస్తాయి అనేది కొందరి ఉద్దేశ్యం. కానీ మరాఠీ మోడల్‌ కయదు లోహర్ మాత్రం ప్రమోషన్ కార్యక్రమాలకు దూరంగా ఉంటోంది.

తాజాగా ఈమె తెలుగు లో అల్లూరి సినిమాలో నటించింది. శ్రీ విష్ణు హీరోగా రూపొందిన అల్లూరి సినిమా వచ్చే వారం ప్రేక్షకుల ముందుకు రాబోతుంది. చిత్ర యూనిట్‌ సభ్యులు ఇప్పటికే ప్రమోషన్ కార్యక్రమాలు మొదలు పెట్టారు. శ్రీ విష్ణు సినిమాను జనాల్లోకి తీసుకు వెళ్లేందుకు తీవ్రంగానే ప్రయత్నాలు చేస్తూ ఉన్నాడు.

ఇటీవలే ఈ సినిమా ట్రైలర్ విడుదల కార్యక్రమం జరిగింది. సినిమా ప్రమోషన్ కార్యక్రమాల్లో ఇప్పటి వరకు కయదు లోహర్ కనిపించక పోవడం చర్చనీయాంశంగా మారింది. ప్రమోషన్ కార్యక్రమాల్లో పాల్గొనాలి అంటే సరే మొహమాటం. కనీసం సోషల్‌ మీడియా ద్వారా అయినా సినిమాను ప్రమోట్‌ చేయాలి కదా అంటూ కొందరు ప్రశ్నిస్తున్నారు.

ఈ పరిణామాలు చూస్తూ ఉంటే ఈమెకు అల్లూరి చిత్ర యూనిట్‌ సభ్యులతో ఎక్కడో చెడిందేమో అంటూ గుసగుసలు వినిపిస్తున్నాయి. అయితే ఈమె గతంలో నటించిన సినిమాలకు కూడా ఇలాగే ప్రమోషన్ కార్యక్రమాలకు దూరంగా ఉండి విమర్శలు ఎదుర్కొంది.

తెలుగు లో ఈమెకు అల్లూరి మొదటి సినిమా. అయినా కూడా ఇక్కడి ప్రమోషన్స్ కి ఆమె దూరంగా ఉండటం ఆమె కెరీర్‌ పై ప్రభావం పడుతుందని సినీ విశ్లేషకులు అభిప్రాయం వ్యక్తం చేస్తున్నారు. సినిమా సక్సెస్ అయినా ఫ్లాప్ అయినా ప్రెస్ మీట్‌ ల్లో పాల్గొంటేనే హీరోయిన్స్ కి గుర్తింపు అనేది ఈ అమ్మడు ఎప్పుడు గుర్తిస్తుందో మరి..!

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.