అల్లూరి హీరో అంతర్జాతీయ మూవీ కన్ఫర్మ్

యంగ్‌ హీరోల్లో కొద్ది మంది ఈ మధ్య కాలంలో హీరోయిజం చూపించడం కంటే మంచి కంటెంట్‌ ఉన్న సినిమాల్లో నటించాలని అనుకుంటూ ఉన్నారు. విభిన్నమైన సినిమాలతో ప్రేక్షకులకు చేరువ అయ్యేందుకు చూసే వారిలో శ్రీవిష్ణు ఒకరు. ఈయన ఇప్పటి వరకు చేసిన సినిమాల్లో కంటెంట్ ఓరియంటెడ్‌ సినిమాలే ఎక్కవు. ఈయన మొదటి సినిమా విడుదల అయిన సమయంలో అల్లు అర్జున్ పిలిచి మరీ కంటెంట్‌ ఓరియంటెడ్ సినిమాలు చేయమని సూచించాడట.

శ్రీవిష్ణు అలా కంటెంట్‌ ఓరియంట్‌ సినిమాలు చేయడం వల్లే ఇన్నాళ్లు కెరీర్ కొనసాగుతుంది అనేది విశ్లేషకుల అభిప్రాయం. తాజాగా ఈయన అల్లూరి సినిమాతో ప్రేక్షకుల ముందుకు వచ్చేందుకు సిద్ధం అయ్యాడు. ఈ సందర్భంగా మీడియాతో మాట్లాడుతూ తన ఫ్యూచర్ ప్లాన్స్ గురించి మాట్లాడాడు. ఆ సమయంలోనే ఒక అంతర్జాతీయ స్థాయి సినిమాలో నటించబోతున్నట్లుగా ఆసక్తికర ప్రకటన చేశాడు.

ఒక యురోపియన్ ప్రొడక్షన్ హౌస్ వారు ఒక అంతర్జాతీయ సినిమాను నిర్మిస్తున్నారు. ఆ సినిమాలో చాలా భాషలకు చెందిన నటీనటులు నటించబోతున్నారు. ఆ సినిమాలో నేను తెలుగు భాషలోనే మాట్లాడుతాను. ఏ భాషకు చెందిన వారు ఆ భాషలోనే మాట్లాడుతారు. ప్రతి ఒక్కరికి అర్థం అయ్యే కాన్సెప్ట్‌ తో సినిమా ఉంటుందని శ్రీ విష్ణు చెప్పుకొచ్చాడు.

చాలా ఇంట్రెస్టింగ్‌ కథ మరియు కథనంతో రూపొందబోతున్న ఆ సినిమా గురించి పూర్తి వివరాలు త్వరలో వెళ్లడిస్తానంటూ శ్రీవిష్ణు చెప్పుకొచ్చాడు. నటుడిగా శ్రీవిష్ణు యొక్క ప్రతిభను గుర్తించి ఆ యురోపియన్ సంస్థ వారు తమ సినిమాలో నటించాల్సిందిగా ఆయన్ను సంప్రదించారనే వార్తలు వస్తున్నాయి. ఇది నిజంగా శ్రీ విష్ణు కు గౌరవంగా ఆయన అభిమానులు అంటున్నారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.