ట్రెండ్డింగ్ లో దాస్ కా ఆల్మోస్ట్‌ పడిపోయిందే పిల్లా

విశ్వక్ సేన్ హీరోగా నివేథా హీరోయిన్ గా రూపొందిన చిత్రం దాస్ కా దమ్కీ నుండి ఇటీవల విడుదల అయిన ఆల్మోస్ట్ పడిపోయిందే పిల్లా పాట యూత్ ఆడియన్స్ కు బాగా కనెక్ట్‌ అయ్యింది. యూట్యూబ్‌ తో పాటు అన్ని సోషల్ మీడియా ప్లాట్‌ ఫామ్ లపై ఈ పాట తెగ ట్రెండ్‌ అవుతూ అందరి దృష్టిని ఆకర్షిస్తోంది.

ఈ మధ్య కాలంలో ఈ స్థాయిలో ఊపు తెచ్చే పాట రాలేదనే చెప్పాలి. డాన్స్ మూమెంట్స్ కు చక్కని స్కోప్ ఉన్న ఈ పాట అన్ని వర్గాల వారిని ఆకట్టుకుంటుంది. యూత్ బాగా కనెక్ట్‌ అయిన ఈ పాట యూట్యూబ్‌ లో అప్పుడే 4 మిలియన్ ల వ్యూస్ దక్కాయి. అంతే కాకుండా యూట్యూబ్ లో నెం.1 స్థానంలో ట్రెండ్‌ అవుతూనే ఉంది.

ఈ సినిమాలో విశ్వక్‌ సేన్ హీరోగా నటించడం మాత్రమే కాకుండా స్వీయ దర్శకత్వంలో నిర్మిస్తూ ఉన్నాడు. ఈ సినిమా కథపై ఆయనకు ఉన్న నమ్మకంతో కాస్త ఎక్కువ బడ్జెట్‌ నే ఖర్చు చేసినట్లుగా తెలుస్తోంది. విశ్వక్ సేన్ నుండి అభిమానులు ఏం ఆశిస్తున్నారో అదే ఈ సినిమాలో చూపించబోతున్నట్లుగా తెలుస్తోంది.

ఆల్మోస్ట్‌ పడిపోయిందే పిల్లా పాట సూపర్ హిట్‌ అవ్వడంతో సినిమా ఎప్పుడెప్పుడు వస్తుందా అంటూ అంతా ఆసక్తిగా ఎదురు చూస్తున్నారు. ఈ ఫిబ్రవరిలో ప్రేక్షకుల ముందుకు రాబోతున్న ఈ సినిమా కచ్చితంగా యూత్ ఆడియన్స్ తో పాటు ప్రతి ఒక్కరికి కూడా కనెక్ట్‌ అయ్యే విధంగా ఉంటుంది అనిపిస్తుంది. విశ్వక్ సేన్ కు ఈ సినిమా మరో విజయాన్ని తెచ్చి పెట్టడం ఖాయం అని ఈ పాట కు వస్తున్న రెస్పాన్స్ ను చూస్తూ ఉంటే అనిపిస్తుంది.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.