పవన్ హ్యాండిచ్చినా చిరు సేవ్ చేస్తారట

ఒక సినిమా వెనక ఎందరో కష్టం ఉంటుంది. కారణం ఏదైనా కావచ్చు కానీ ఒక సినిమా ప్లాప్ అయితే మాత్రం బాగా నష్టపోయేది ముందు ప్రొడ్యూసర్లు. ఎన్నో ఆశలు పెట్టుకున్నాక ఆ సినిమా ప్లాప్ అయితే నష్టాలు - అప్పుల్లో పీకల్లోతు కూరుకుపోయిన చాలా మంది ప్రొడ్యూసర్లని మనం చూసాం. అందుకే ప్రొడ్యూసర్లు స్టార్ హీరో లతో దగ్గర సంబంధాలు ఉంచుకుంటారు.

ఒకవేళ ప్లాప్ అయినా - హీరో సపోర్ట్ తో బయటపడచ్చు అని. అలా ఎం.ఎం.రత్నం కూడా పవన్ కళ్యాణ్ తో జట్టు కట్టాడు. ఏమైనా పవన్ తోడు తనకుంది అనుకున్నాడు. ఒకపక్క ఈయన కొడుకు డైరెక్టర్ జ్యోతి కృష్ణ - గోపి చంద్ తో చేసిన ఆక్సిజన్ చాలా పెద్ద ప్లాప్ అయ్యింది. నష్టాల్లో ఉన్నా వీళ్ళు పవన్ ఆశ్రయం పొందుదామా అంటే - పవర్ స్టార్ సినిమాలకి ఆజ్ఞతవాసి తో బై చెప్పేశారు. ఆ విధంగా పవన్ వీళ్లకు హ్యాండిచ్చేశారనే అనుకోవాలి. అందుకని మెగా అండ చిరంజీవి తో డీల్ కుదుర్చుకుందాం అనుకుంటున్నారు.

రత్నం చిరంజీవి తో స్నేహంకోసం సినిమా చేశారు. అలాగే ఆ సినిమాకు జ్యోతికృష్ణే స్ర్కిప్టు కూడా రాశాడు. ఆ సినిమా సూపర్ ఫ్లాపులే. ఇక ఇపుడు జ్యోతి కృష్ణ చిరుకు చెప్పడానికి ఒక స్క్రిప్ట్ రాస్తున్నారు. ఒకవేళ స్క్రిప్ట్ మెగాస్టార్ కి బాగా నచ్చితే - అప్పుడు ఆయనే ఏ. ఎం.రత్నం తో సినిమా చేయడానికి ఒక మెగా హీరో ని ఒప్పిస్తారు. ఇదే డీల్ అన్నమాట. అంతా బాగానే ఉంది. కానీ జ్యోతి కృష్ణ స్క్రిప్ట్ చిరు కు నచ్చుతుందా? ఏమో చూద్దాం..! అయినా పవన్ చేసిన ప్రమాణం ఇప్పుడు చిరు తీరుస్తున్నట్టు లేదు?