అమ‌ల కూడా ఆడిష‌న్‌ కు వెళ్లింద‌ట‌

అమ‌లా పాల్‌... ద‌క్షిణాదిలో పెద్ద‌హీరోయినే. ఆమె ద‌గ్గ‌రకే సినిమా ఆఫ‌ర్లు వ‌స్తాయి. కానీ ఆమెనే ఆడిష‌న్ కు వెళ్లాల్సిన ప‌రిస్థితి ఏమొచ్చింది? ద‌క్షిణాది సినిమాల‌కు అమ‌లా ప‌రిచ‌య‌మే... కానీ బాలీవుడ్ లోకి అడుగుపెట్టాలంటే అంత సులువు కాదుగా... అందుకోస‌మే ఇలా ఆడిష‌న్‌ కు వెళ్లింద‌ట‌. గ‌తంలో రెజీనా కూడా ఇలాగే చేసింద‌ని స‌మాచారం.

ద‌క్షిణాదిలో చేసే ప్ర‌తి హీరోయిన్ క‌ల బాలీవుడ్ చేర‌డ‌మే. ఇక సినిమాల‌పై ఆస‌క్తితో ఏకంగా వ్య‌క్తిగ‌త జీవితాన్నే వ‌దులుకున్న అమ‌ల పాల్‌ కు ఆ ఆస‌క్తి ఇంకా ఎక్కువే ఉండి ఉంటుంది. టాలెంట్ ఉండి... సూప‌ర్ హిట్ సినిమాల‌లో న‌టించి... అవార్డులు కూడా అందుకున్న అమ‌ల సాధార‌ణ వ్య‌క్తిలో ఆడిష‌న్‌ కు వెళ్ల‌డం కాస్త విడ్డూర‌మే. అయినా బాలీవుడ్ కెరీర్ కోసం ఏమైనా చేయాలి. అర్జున్ రాంపాల్ హీరోగా తెర‌కెక్కుతున్న సినిమాలో ద‌క్షిణాది నుంచే హీరోయిన్ కావాల‌ని అనుకున్నార‌ట. విష‌యం తెలుసుకున్న అమ‌ల ఆడిష‌న్‌కు వెళ్లింది. ఆమెను చూశాక ఆ పాత్ర‌కు త‌నే స‌రైన ఎంపిక అని ఫిక్స‌య్యార‌ట ద‌ర్శ‌క నిర్మాత‌లు. దీంతో అమ‌లాపాల్ బాలీవుడ్ ఎంట్రీ కూడా దాదాపు ఖ‌రారైన‌ట్టే. కాక‌పోతే... చిత్ర‌యూనిట్ అధికారికంగా అమ‌లను ఎంపిక‌చేసిన‌ట్టు ప్ర‌క‌టిస్తే స‌రి.

ఈ సినిమాకు న‌రేష్ మ‌ల్హోత్రా ద‌ర్శ‌కుడిగా ప‌నిచేయ‌బోతున్నాడు. ఇప్ప‌టికే అమ‌ల స్క్రిప్టు మొత్తం చ‌దివి... సినిమాకు ఓకే చెప్పేసింద‌ట‌. కొన్ని రోజుల క్రితం రెజీనా సామాన్య వ్య‌క్తిలా బాలీవుడ్ ఆడిష‌న్స్‌ కు వెళ్లి ఒక సినిమా ద‌క్కించుకుంది. ఇప్పుడు అదే బాట‌లో అమ‌ల కూడా చేసింది. త్వ‌ర‌లో మ‌రింత మంది హీరోయిన్లు ఇలా బాలీవుడ్ ఆడిష‌న్ల బాట అవ‌కాశం ఉంది.