హాట్ సింగర్ పాటకు అమల స్టెప్పులు

హీరో హీరోయిన్స్ పాడేయడం ఇప్పుడు కామన్ అయిపోయింది. నటనలోనే కాకుండా గానంతోను తమదైన శైలిలో అలరిస్తున్నారు. కొందరు నటి నటులైతే ప్రొఫెషనల్ వర్క్ అన్నట్టు అసలైన సింగర్స్ గా పాటలు పాడుతున్నారు. ముఖ్యంగా హీరోలు స్పెషల్ సాంగ్స్ అంటూ వారే పాడుకొని వారే చిందేస్తున్నారు. ఇక హీరోయిన్స్ కూడా తక్కువేమీ కాదు. వారు కూడా అప్పుడప్పుడు ఇలాంటి ప్రయోగాలు చేసి మెప్పిస్తున్నారు.

అయితే ఈ సారి కొంచెం వెరైటీగా ఒక హీరోయిన్ స్టెప్పులకు మరో హాట్ హీరోయిన్ సింగేస్తోంది. మంచి ఊపు ఉన్న పాటకు ఆండ్రియా తన గాత్రాన్ని అందిస్తూ ఉంటుంది. ఆ పాటకు సెక్సీ హీరోయిన్ అమలాపాల్ చిందులెయ్యడానికి రెడీ అయ్యింది. ఈ పాటకు అమ్రీష్ స్వరాలను అందించనున్నాడు. సినిమా విషయానికి వస్తే.. అరవింద్ స్వామి - అమలాపాల్ హీరో హీరోయిన్ గా నటిస్తున్న చిత్రం ‘భాస్కర్ ఒరు రాస్కెల్’. ప్రముఖ దర్శకుడు సిద్దిక్ సినిమాను తెరకెక్కిస్తున్నారు.

ఈ చిత్రం మలయాళంలో సూపర్ హిట్ అయిన ‘భాస్కర్ ది రాస్కెల్’ సినిమాకు రీమేక్. ప్రస్తుతం చిత్ర యూనిట్ షూటింగ్ పనులతో చాలా బిజీగా వుంది. శరవేగంగా షూటింగ్ జరుగుతోంది. ఇక ఈ నెల 30న ఆడియోను విడుదల చేస్తామని చిత్రయూనిట్ తెలిపింది. ఆ పాటను ఆండ్రియా తన స్టైల్ లో పాడి అలరిచిందని..ఈమె పాడిన పాట సూపర్బ్ గా ఆకట్టుకుంటుందని చిత్ర బృందం తెలిపింది.