మంచుని కోటి అడుగుతున్న అమల?

డైనమైట్ పేలిపోవడంతో కసి మీద మంచు వారబ్బాయి విష్ణు.. కొత్త సినిమాకి రూట్ మార్చేశాడు. సరదా అనే టైటిల్ తో.. తనకి హిట్స్ వచ్చిన జోనర్ లోనే మరో పిక్చర్ సిద్ధమవుతున్నాడు. ఈ మూవీకి సంబంధించిన నటీనటుల ఎంపిక ప్రస్తుతం జరుగుతోంది. సరదా సినిమాలో ఇద్దరు హీరోయిన్లు ఉంటారు. వీటిలో ఒక రోల్ కి అమలా పాల్ ని అడిగారనే టాక్ వినిపిస్తోంది.

విష్ణు మూవీలో నటించేందుకు అమలా పాల్ కోటి రూపాయలు అడిగందని సమాచారం. దీంతో అమల ఆలోచనను పక్కన పెట్టారట. దీనికి తోడు ఈమెను అడిగింది లీడ్ హీరోయిన్ రోల్ కోసం కాదని, సెకండ్ హీరోయిన్ కే ఇంత ఇవ్వడమా అని అనుకుంటున్నారని టాక్. అయితే.. డైరెక్టర్ కార్తిక్ రెడ్డి మాత్రం ఈ రూమర్స్ ని ఖండిస్తున్నాడు. గతంలో ఓసారి తాము అమలాపాల్ ని అడిగిన మాట వాస్తవమే అయినా.. ఆమె నుంచి కన్ఫర్మేషన్ రాలేదని చెప్పాడు డైరెక్టర్. అందుకే వేరే హీరోయిన్ తో సంప్రదింపులు కూడా చేస్తున్నారట. అసలు కోటి రూపాయలు అనేందుకు రెమ్యూనరేషన్ వరకూ మాటలు రాలేదని చెప్పాడు.

అంతే కాదు.. తాము అమలను అడిగింది సెకండ్ హీరోయిన్ పాత్ర కోసం కాదని.. అది ఫ్లాష్ బ్యాక్ లో వచ్చే కీలకమైన రోల్ అని చెబ్తున్నాడు కార్తీక్ రెడ్డి. కథకు చాలా కీలకమైన ఈ కేరక్టర్ ని.. ఫేమస్ హీరోయిన్ తోనే చేయించాలని అనుకుంటున్నారట. అయితే అమలాపాల్ కి టాలీవుడ్ లో కోటి రూపాయల రెమ్యూనరేషన్ రేంజ్ ఉందా అన్నది ఓ టాక్. ఇద్దరమ్మాయిలతో తర్వాత.. ఈ భామ కనిపించిన మూవీ జెండాపై కపిరాజు ఒక్కటే. అది అట్టర్ ఫ్లాప్. మరి కోటి రూపాయలు అడిగిందని ఎందుకు రూమర్ వచ్చిందో ?