ఓటీటీల్లోకొస్తున్న ఆ తొమ్మిది సినిమాల్లో ఏది బెస్ట్?

భారతదేశంలోని అనేక ప్రాంతాల్లో ఈ వారం చివర్లో థియేటర్లను పునః ప్రారంభిస్తున్న సంగ‌తి తెలిసిందే. అంత‌కుముందే అమెజాన్ ప్రైమ్ లో రిలీజ్ ల వివ‌రాలు ఆస‌క్తిని పెంచుతున్నాయి. అక్టోబర్ నుండి డిసెంబర్ వరకు ఓటీటీలో స్ట్రీమ్ కానున్న సినిమాల వివ‌రాలు ప‌రిశీలిస్తే ఆస‌క్తిక‌రం. సూర్య నటించిన సూరరై పొట్రూ.... వరుణ్ ధావన్-సారా అలీ ఖాన్ న‌టించిన‌ కూలీ నెం 1... భూమి పెడ్నేకర్ న‌టించిన‌ `దుర్గావతి` .. రాజ్‌కుమార్ రావు -నుష్ర‌త్ బ‌రూచా `చలాంగ్` బ‌రిలో ఉన్నాయి.

గోవింద - కరిష్మా కపూర్ జంట‌గా డేవిడ్ ధావ‌న్ 90 ల నాటి బ్లాక్ బస్టర్ కూలీనంబ‌ర్ 1 రీమేక్ డిసెంబర్ 25 న OTT ప్లాట్‌ఫాంపై విడుదల కానుంది. ఇది క్రిస్మస్ విడుదల అవుతుంది. ఈ చిత్రం మేలో విడుదల కావాల్సి ఉన్నా.. మహమ్మారి కారణంగా ఆలస్యం అయింది. ఇందులో వరుణ్ డబుల్ రోల్ లో నటించాడు. ఈ చిత్రం నుండి కొన్ని పోస్టర్లను ఇప్పటికే స్టార్స్ షేర్ చేశారు.

ఆర్ మాధవన్ నటించిన తమిళ చిత్రం `మారా` డిసెంబర్ 17 న విడుదల కానుంది. శ్రద్ధా శ్రీనాథ్ ఇందులో నాయిక‌గా నటించారు. ఇది దుల్కార్ సల్మాన్ - పార్వతి ప్ర‌ధాన పాత్ర‌ల్లో నటించిన మలయాళ చిత్రం చార్లీ కి అధికారిక తమిళ రీమేక్.

అక్షయ్ కుమార్ నిర్మాత‌గా.. భూమి పెడ్నేకర్ నాయిక‌గా న‌టించిన `దుర్గావతి` కూడా అమెజాన్ ప్రైమ్ లో డిసెంబర్ 11 న విడుదల కానుంది. అనుష్క శెట్టి నటించిన సౌత్ చిత్రం `భాగమతి` రీమేక్ ఇది.

రాజ్ కుమార్ రావు -నుష్ర‌త్ బారుచా న‌టించిన‌ చలాంగ్ నవంబర్ 13 న వస్తోంది. హన్సల్ మెహతా దర్శకత్వం వ‌హించారు. ఈ ఏడాది ప్రారంభంలో విడుదల కావాల్సిన‌ది ఇప్ప‌టికి వ‌స్తోంది. సూర్య సూరరై పొట్రూ (ఆకాశ‌మే నీ హ‌ద్దురా) అక్టోబర్ 30 న విడుదల కానుంది. ఈ సంవత్సరం ప్రత్యక్ష OTT విడుదలకు రెడీ అవుతున్న అతిపెద్ద తమిళ చిత్రాలలో ఇది ఒకటి.

కన్నడ చిత్రం `మన్నే నెంబర్ 13` నవంబర్ 19 న విడుదల అవుతుంది. ఆనంద్ దేవరకొండ `మిడిల్ క్లాస్ మెలోడీస్` (తెలుగు) నవంబర్ 20 న విడుదల కానుండగా..., జకారియా మొహమ్మద్ హలాల్ లవ్ స్టోరీ అక్టోబర్ 15 న విడుదల కానుంది. వీటితో పాటు మ‌రిన్ని ఓటీటీ విడుద‌ల‌ల‌కు రెడీ అవుతున్నాయి. మిర్జాపూర్ 2 వెబ్ సిరీస్ ఓటీటీలో క్రేజీగా రిలీజ్ కి రెడీ అవుతోంది. అక్ష‌య్ కుమార్ న‌టించిన ల‌క్ష్మీ బాంబ్ ఈ సీజ‌న్ లో ఫేవరెట్ గా బరిలో దిగుతోంది. కాంచ‌న‌కు రీమేక్ ఇది.