లేటు వ‌య‌సులో ఘాటుఫోజులు

`క‌హోనా ప్యార్ హై` సినిమాతో బాలీవుడ్ కి ప‌రిచ‌య‌మైంది అమీషా ప‌టేల్‌. తొలి చిత్రంతోనే కుర్ర‌కారు గుండెల్ని కొల్ల‌గొట్టింది. కెరీర్ ఆరంభ‌మే తొలి చిత్ర క‌థానాయ‌కుడు హృతిక్ రోష‌న్‌ తో ఈ భామ‌ ఎఫైర్ పై వేడెక్కించే చ‌ర్చా సాగింది. బాలీవుడ్ స్టార్ హీరోలు స‌ల్మాన్ - అక్ష‌య్‌ - స‌న్నీడియోల్ లాంటి స్టార్ల స‌ర‌స‌న న‌టించింది. రేస్ 2లో అదిరిపోయే గ్లామ‌ర‌స్ రోల్‌ తో ఆక‌ట్టుకుంది. కామెడీ - రొమాన్స్ క‌ల‌గ‌లిపిన స్పెష‌ల్ పాత్ర‌లో అమీషా ఎక్స్‌ ప్రెష‌న్స్ అంతే క‌ట్టిప‌డేస్తాయి ఆ సినిమాలో. ఆ త‌ర్వాత మాత్రం కెరీర్ ప‌రంగా ఎందుక‌నో స్లో అయిపోయింది.

అమీషా టాలీవుడ్‌ లో ప‌వ‌ర్‌ స్టార్ ప‌వ‌న్‌ క‌ల్యాణ్ స‌ర‌స‌న బ‌ద్రి చిత్రంతో ఆరంగేట్రం చేసిన సంగ‌తి తెలిసిందే. మ‌హేష్ స‌ర‌స‌న నాని చిత్రంలోనూ న‌టించింది. 2017లో రిలీజైన ఆక‌తాయి అనే చిత్రంలో ఐటెమ్ నంబ‌ర్‌ లోనూ న‌ర్తించి మ‌రోసారి హాట్ టాపిక్ అయ్యింది. అయితే ఇటీవ‌ల టాలీవుడ్‌ లోనూ తిరిగి పెద్ద స్థాయి అవ‌కాశాల కోసం ట్రై చేసినా ఆ ప్ర‌య‌త్నాలు వ‌ర్క‌వుట‌వ్వ‌లేదు. ద‌శాబ్ధం కెరీర్‌ లో అమీషా ఇప్ప‌టికీ అవ‌కాశాల కోసం చేయ‌ని ప్ర‌య‌త్న‌మే లేదు. ఎప్ప‌టిక‌ప్పుడు వేడెక్కించే ఫోటోషూట్ల‌తో నిరంత‌రం చ‌ర్చ‌ల్లోకొస్తూనే ఉంది.

ప్ర‌స్తుతం బాలీవుడ్‌ లో భాయిజీ అనే చిత్రంలో న‌టిస్తోంది. సూప‌ర్‌ హిట్ ఫిలింస్ సంస్థ ఈ చిత్రాన్ని నిర్మిస్తోంది. త్వ‌ర‌లోనే ఈ చిత్రం రిలీజ్ కానుంది. `దేశీ` అనే వేరొక చిత్రంలోనూ అమీషా ఆడిపాడుతోంది. ఆ క్ర‌మంలోనే త‌న సినిమాల రిలీజ్‌ ల వేళ ప్ర‌మోష‌న్ కోసం అమీషా కొత్త ఫోటోషూట్ల‌తో వెబ్‌ ని వేడెక్కిస్తోంది.