బచ్చన్ ఫ్యామీలీ నుంచి నవ్య వచ్చెన్

ఈ చక్కని చుక్క పేరు నవ్య నవేలీ నందా. ఈమె ఎవరో తెలుసా అమితాబ్ బచ్చన్ మనుమరాలు.. అంటే ఆయన కూతురు శ్వేత నందా కూతురన్నటమాట. గ్లామర్ ఇండస్ట్రీలోకి నవ్య త్వరలో ప్రవేశించబోతోందనే అంచనాలున్నాయి. అయితే.. ఇప్పటివరకూ కెమెరా ఎదురుగా చేసిన హడావిడి ఏం లేదు. గ్రాండ్ ఎంట్రీ ఇప్పించేందుకు అమితాబ్ ఫ్యామిలీ తెరవెనుక గట్టిగానే ప్రయత్నాలు చేస్తోందని తెలుస్తోంది.

తాజాగా ఫ్యాషన్ కి పుట్టిల్లుగా చెప్పుకునే పారిస్ లో.. ఈ భామ సందడి చేసిన ఓ రేంజ్ లో ఉంది. 16 నుంచి 22 ఏళ్ల మధ్య వయసున్న సెలబ్రిటీలు, కళాకారులు, ప్రతిష్టాత్మక కుటుంబాలకు చెందిన వారసుల కోసం పారిస్ లో ఓ ప్రత్యేకమైన ఈవెంట్ జరుగుతుంది. దీనికోసం ఆర్టిస్ట్ ప్రత్యేకంగా హెయిర్, మేకప్ తో నవ్యను సిద్ధం చేస్తున్నాడు. ఈ షోలో సందడి చేయనున్న పాతికమంది కంటెస్టెంట్లలో 17ఏళ్ల నవ్య కూడా ఉంది. ఈ కార్యక్రమంలో తమ తండ్రులతో కలిసి.. డ్యాన్స్ షో కూడా చేస్తుంటారు. మరో రెండు రోజుల్లో ఈ ఈవెంట్ జరగనుంది.

బాలీవుడ్ ఎంట్రీకి ఈ కార్యక్రమాన్ని రిహార్సల్ గా అభివర్ణిస్తున్నారు. ఇప్పటికే సోనమ్ కపూర్ లాంటి హీరోయిన్లు స్టార్స్ ఫ్యామిలీ నుంచి వచ్చి బాలీవుడ్ లో రాజ్యమేలుతున్నారు. ఇప్పుడు నవ్య నవేలి కూడా ఎంట్రీ ఇచ్చాక.. బాలీవుడ్ లో అందాల వేడి మరింతగా రాజుకోనుంది. అయితే.. ఈమె సినీరంగ ప్రవేశంపై బచ్చన్ ఫ్యామిలీ ఇప్పటివరకూ అఫీషియల్ గా ఎటువంటి ప్రకటనా చేయలేదు.