సైరా టీమ్ కు షాకిచ్చిన బిగ్ బి

మెగాస్టార్ చిరంజీవి 151వ సినిమా ‘సైరా’ను అత్యంత ప్ర‌తిష్టాత్మ‌కంగా తెర‌కెక్కిస్తున్న విషయం తెలిసిందే. భారీ బ‌డ్జెట్‌తో రూపొందుతున్న ఈ చిత్రంలో బాలీవుడ్ మెగాస్టార్‌, బిగ్ బీ అమితాబ్ ఓ కీల‌క పాత్ర‌లో న‌టిస్తున్న విష‌యం తెలిసిందే. ఈ సినిమాలో త‌న లుక్‌ను రివిల్ చేస్తూ బిగ్ బీ పోస్ట్ చేసిన ఫోటో అంద‌రికీ షాక్ ఇస్తోంది. తెల్ల‌ని గుబురు గ‌డ్డం - మీసాల‌తో కురువృద్ధుడిగా క‌నిపిస్తున్నాడు బిగ్ బీ.

చిరంజీవి కోరిక మేరకు ఆయ‌న సినిమాలో ఓ అతిథి పాత్ర పోషించేందుకు ఒప్పుకున్నాన‌ని చెబుతూ త‌న బ్లాగ్‌లో ఈ ఫోటోను పోస్ట్ చేశాడు అమితాబ్‌. సైరాలో అమితాబ్ పాత్ర లుక్ గురించి టెస్ట్ షూట్ జ‌రుగుతోంది. అక్క‌డ ఆయ‌న‌కు వేసిన మేక‌ప్‌ను ఫోటో తీసి అభిమానుల‌తో పంచుకున్న బిగ్ బీ ‘ఈ లుక్ ఫైన‌ల్ కాదు, కానీ చాలా ద‌గ్గ‌ర‌గా ఉంటుంది’ అంటూ హింట్ కూడా ఇచ్చేశాడు. తండ్రి సినిమా ‘సైరా’ కోసం ప్ర‌తీ విష‌యంలో ప్ర‌త్యేక శ్ర‌ద్ధ తీసుకుంటున్నాడు రామ్‌ చ‌ర‌ణ్‌. ఇప్ప‌టి దాకా చిరంజీవి ఒరిజిన‌ల్ గెట‌ప్‌ని కూడా బ‌య‌టికి రిలీజ్ చేయ‌లేదు. కేవ‌లం వీపు మాత్రం క‌నిపించే పోస్ట‌ర్ల‌నే అధికారికంగా విడుద‌ల చేశారు. ఇప్పుడు బిగ్ బీ చూపిన అత్యుత్యాహం వ‌ల్ల అమితాబ్ - చిరంజీవికి గురువు లాంటి పాత్ర‌లో న‌టిస్తున్నాడ‌ని అభిమానులు -సినీ జ‌నాలు ఊహించేసుకుంటున్నారు.

అయితే చాలామంది ద‌ర్శ‌క నిర్మాత‌లు వారి సినిమాల్లో త‌న‌ను ముస‌లివాడిగానే న‌టింప‌చేయాల‌నుకుంటున్నార‌ని, కొన్నిసార్లు అది ఇష్టం లేక‌పోయినా కాద‌న‌లేమ‌ని చెప్పాడు ఈ 75 ఏళ్ల అమితాబ్‌. త‌న ప‌క్క‌నున్న‌ గ్రూప్ డ్యాన్స‌ర్ల‌ను ఉత్సాహ‌ప‌రిచేందుకు చేతులు ఎత్తి నిల్చున‌ట్టుగా మ‌రో ఫోటోను షేర్ చేసిన బిగ్ బీ ‘కొన్ని గంట‌ల ముందు...’ అంటూ కామెంట్ చేశాడు.