నా ట్విట్ట‌ర్ ఖాతా హ్యాక్ కాలేదు...బిగ్ బీ!

భార‌త ప్ర‌ధాని మోదీ త‌ర్వాత అత్య‌ధిక మంది ఫాలో అయేది బాలీవుడ్ బిగ్ బీ అమితాబ్ బ‌చ్చ‌న్ నే. 2017కు గాను ఎక్కువ‌మంది ఫాలోవ‌ర్లున్న సెల‌బ్రిటీల‌లో మోదీ మొద‌టి స్థానంలోనూ - బిగ్ బీ రెండో స్థానంలోనూ ఉన్నారు. అమితాబ్ కు ట్విట్ల‌ర్లో దాదాపు 32.90 ల‌క్ష‌ల మంది ఫాలోవ‌ర్లున్నారు. అయితే, కొద్ది రోజుల క్రితం ఆశ్చ‌ర్య‌క‌రంగా టాలీవుడ్ హీరోయిన్లు ర‌కుల్ ప్రీత్ సింగ్ - లావ‌ణ్య త్రిపాఠిల - క‌మెడియ‌న్ వెన్నెల కిశోర్ ల‌ను ఫాలో అవుతున్న వార్త వైర‌ల్ అయిన సంగతి తెలిసిందే. అమితాబ్ త‌మ‌ను ఫాలో అవుతున్న‌విష‌యాన్ని రకుల్ - వెన్నెల కిశోర్ లు ట్వీట్ చేసి మ‌రీ చెప్పారు. వీరితో పాటు మ‌రికొంత మంది టాలీవుడ్ - బాలీవుడ్ కు చెందిన న‌టీన‌టుల‌ను కూడా బిగ్ బీ ఫాలో అవుతున్నారు. అయితే, బిగ్ బీని చాలామంది ఫాలో అవుతుంటార‌ని, అటువంటిది ఆయ‌న ఫాలో అవ‌డం ఏమిట‌ని నెటిజ‌న్లు కామెంట్స్ పెడుతున్నారు. బిగ్ బీ ట్విట‌ర్ ఖాతా హ్యాక్ అయి ఉంటుంద‌ని అనుకుంటున్నారు. ఆనోటా ఈ నోటా ప‌డి ఈ విష‌యంపై బిగ్ బీకి తెలియ‌డంతో ఆయ‌న క్లారిటీ ఇచ్చారు.

ఆ ర‌కంగా కామెంట్లు పెడుతున్న నెటిజన్లపై బిగ్ బీ కాస్తంత ఘాటుగానే స్పందించారు. ప్రచారం కోసమే తాను టాలీవుడ్ - బాలీవుడ్ సెలబ్రిటీల‌ను ఫాలో అవుతున్నానంటూ వ‌స్తోన్ విమ‌ర్శ‌ల‌పై అమితాబ్ మండిప‌డ్డారు. తన ఇష్టపూర్వకంగానే ట్విట్టర్ లో చాలా మందిని ఫాలో అవుతున్నాన‌ని చెప్పారు. చాలామంది తన ఖాతా హ్యాక్ అయింద‌ని కామెంట్ చేస్తున్నారని, అలాంటిదేమీ లేదని క్లారిటీ ఇచ్చారు. ఇతరులను అనుసరించడం తప్పా? అలా అయితే, తాను లక్షలాది తప్పులు చేస్తాన‌ని బిగ్ బీ ఘాటుగా స్పందించారు. ప్రస్తుతం బిగ్ బీ....థగ్స్ ఆఫ్ హిందూస్థాన్, బ్రహ్మాస్త్ర, 102 నాటౌట్, సైరా నరసింహారెడ్డి చిత్రాలలో న‌టిస్తోన్న సంగ‌తి తెలిసిందే.