మెగాస్టార్ అప్లికేషన్ చూశారా??

ఇండియన్ ఫిల్మ్ ఇండస్ట్రీలో అత్యంత ఆదరణ దక్కించుకున్న వారిలో బాలీవుడ్ మెగా స్టార్ అమితాబ్ బచ్చన్ ఒకరని ప్రత్యేకంగా చెప్పనక్కర్లేదు. మొదటి సారి తన సినిమాలతో కోటికి పైగా రికార్డు కలెక్షన్స్ అందుకున్న హీరోగా నిలిచారు. బ్లాక్ అండ్ వైట్ కాలం నుంచి నేటి వరకు ఎంతో మంది తారలకు ఆయన స్ఫూర్తిగా నిలుస్తున్నారు. ఎక్కడా కూడా నెగిటివ్ కామెంట్స్ అందుకోకుండా తన కెరీర్ ను ముందుకు తీసుకువెళుతున్నారు.

హీరోగా సినిమాలను తగ్గించినా స్పెషల్ పాత్రలను తనదైన శైలిలో చేస్తూ 76 ఏళ్ల వయసులో కూడా మంచి గుర్తింపు తెచ్చుకుంటున్నారు. ఇక అసలు మ్యాటర్ లోకి వస్తే.. అమితాబ్ సోషల్ మీడియాలో చాలా బిజీగా ఉంటారని ట్విట్టర్ వాడే వారికీ బాగా తెలిసే ఉంటుంది. అయితే ఒక్కోసారి ఆయన మీడియాకు కౌంటర్లు వేసే ప్రయత్నం చేస్తున్నారు. రీసెంట్ గా ఒక జాతీయ మీడియా పత్రిక రాసిన ఆర్టికల్ ఫొటోని షేర్ చేస్తూ తన డీటెయిల్స్ ని పోస్ట్ చేశాడు.

షాహిద్ - అమిర్ లాంటి హైట్ హీరోలకు దీపికా కత్రినా కైఫ్ లాంటి వారు సెట్ అవుతారని ఆ ఆర్టికల్ లో ఉండగా.. అమితాబ్ కౌంటర్ గా జాబ్ అప్లికేషన్ అంటూ రెస్యూమ్ తరహాలో డీటేయిల్స్ ని ఈ విధంగా ట్వీట్ చేశాడు.

"పేరు: అమితాబ్ బచ్చన్
DOB: 11.10.1942 - అలహాబాద్.
వయసు: 76 yrs
ఆధారాలు: 49 సంవత్సరాల పాటు 200ల చిత్రాల్లో నటించాను.
మాట్లాడగలిగే భాషలు: హిందీ - ఇంగ్లీష్ - పంజాబీ - బెంగాలీ
ఎత్తు: 6'2 '' .. అందుబాటులో ఉంది .. మీకు ఎటువంటి సమస్య ఉండదు !!!"

అంటూ సరదాగా ట్వీట్ చేశారు.