ఆనందంతో మాట రావడం లేదన్న మెగాస్టార్‌

బాలీవుడ్‌ మెగాస్టార్‌ అమితాబచ్చన్‌ సోషల్‌ మీడియాలో చాలా యాక్టివ్‌ గా ఉంటాడనే విషయం ప్రత్యేకంగా చెప్పనక్కర్లేదు. ట్విట్టర్‌ లో ఆయన తరచు ఏదో ఒక పోస్ట్‌ పెడుతూనే ఉంటాడు. తాజాగా ఒక ఫొటోను షేర్‌ చేసిన అమితాబచ్చన్‌ అందరి దృష్టిని ఆకర్షించాడు. ఒక పసుపు పచ్చ వింటేజ్‌ కార్‌ ముందు హుందాగా నవ్వుతూ ఫొటోకు అమితాబ్‌ ఫోజు ఇచ్చాడు. ఆ కారంటే తనకు ఎంతో అభిమానం అన్నట్లుగా ఆ కారుతో ఆప్యాయంగా ఫొటో దిగి మరీ ట్వీట్‌ చేశాడు.

ఫొటోతో పాటు కొన్ని సందర్బాల్లో మనం మాట్లాడలేం. ముఖ్యంగా ఆనందంగా ఉన్న సమయంలో మాటలు రావు. ఇప్పుడు నా పరిస్థితి అదే. నేను ఏదో చెప్పేందుకు ప్రయత్నిస్తున్నాను. కాని నా వల్ల కావడం లేదు. ఏం మాట్లాడాలో ఏం చెప్పాలో అర్థం కావడం లేదు. నాకు మాట బయటకు రాకున్నా కూడా ఒక మంచి సమయం నాకు దక్కిందని.. మంచి అవకాశం నాకు వచ్చిందనే ఆనందంలో తాను ఉన్నట్లుగా అమితాబ్‌ చెప్పుకొచ్చాడు.

ప్రస్తుతం బిగ్‌ బి అమితాబచ్చన్‌ బ్రహ్మాస్త్ర చిత్రంలో నటిస్తున్న విషయం తెల్సిందే. సినిమాలతో పాటు వరుగా బ్రాండ్స్‌ కు అంబాసిడర్‌ గా వ్యవహరిస్తున్న అమితాబచ్చన్‌ షూటింగ్స్‌ తో ఎంత బిజీగా ఉన్నా కూడా తనకున్న కార్ల అభిమానంతో ఈ వింటేజ్‌ కారును తన ఇంటికి తీసుకు వచ్చినట్లుగా బాలీవుడ్‌ మీడియాలో కథనాలు వస్తున్నాయి. దేశంలో అత్యంత అరుదైన ఈ వింటేజ్‌ కారును అమితాబ్‌ దక్కించుకోవడం ప్రస్తుతం సోషల్‌ మీడియాలో వైరల్‌ అవుతుంది. పసుపు రంగు ఒక అద్బుతమైన కారు ముందు మెగాస్టార్‌ నిల్చోవడం మరో అద్బుతంగా ఉందంటూ నెటిజన్స్‌ ప్రశంసలు కురిపిస్తున్నారు.