నయన క్లాస్.. నటాషా మాస్..

టాలీవుడ్ లో సంక్రాంతి వార్ చాలా గట్టిగా ఉండబోతోందని ప్రత్యేకంగా చెప్పనక్కర్లేదు. అజ్ఞాతవాసి రిలీజ్ అయిన రెండు రోజులకే బాలకృష్ణ జై సింహా రిలీజ్ కాబోతోన్న సంగతి తెలిసిందే. రెండు సినిమాలు దేనికవే ప్రత్యేకం. అయితే జై సింహ సినిమా ప్రమోషన్స్ మొన్నటి వరకు కొంచెం స్లోగా మొదలైనా కూడా ఆడియో వేడుక తరువాత ఊపందుకున్నాయి. ప్రతి సంక్రాంతికి బాలయ్య తన సినిమాలను ఓ రేంజ్ లో రిలీజ్ చేసి మినిమామ్ హిట్టు కొడతాడు.

ఇక ఇప్పుడు కూడా అదే తరహాలో హిట్ కొట్టాలని చూస్తున్నాడు. ఇక అసలు విషయానికి వస్తే రీసెంట్ గా చిత్ర యూనిట్ సినిమాలోని మరొక వీడియో సాంగ్ ప్రోమో ని రిలీజ్ చేసింది. అమ్మ కుట్టి అమ్మ కుట్టి అనే సాంగ్ స్టైలిష్ గానే కాకుండా ఊర మాస్ లెవల్లో ఉంది. బాలయ్య ఎప్పటిలానే తన స్టెప్పులతో ఆకట్టుకున్నాడు. అయితే హీరోయిన్ నటషా దోషి అయితే ఊర మాస్ అనే విధంగా హాట్ గా స్టెప్పులు వేసింది. సినిమాలో మెయిన్ హీరోయిన్ గా నయనతార నటిస్తోన్న సంగతి తెలిసిందే. అయితే ఇంతకుముందు ఆమెకు సంబంధించిన ప్రియ జగమే ఆనంద మయం అనే సాంగ్ మాత్రం చాలా క్లాస్ గా ఉంది. అందులో నయన చాలా కూల్ గా ఉండగా.. ఆమెకు పోటీగా మరో హీరోయిన్ నటాషా దోషి మాత్రం ఆదరోగొట్టే స్టెప్పులతో బాలయ్య అభిమానులకి కిక్కు ఇస్తోంది.

చూస్తుంటే నటాషా తన గ్లామర్ హొయలతో ప్రేక్షకులను పూర్తిగా తనవైపు తిప్పుకునేల ఉంది. చూద్దాం ఎవరు బెస్ట్ అనిపించుకుంటారో. ఇక మరో హీరోయిన్ హరిప్రియ ఎలాంటి ఫీట్ చేసింది అనే విషయం కూడా మనం చూడాల్సిందే.