వీడియో అమ్మడు.. ఏ రేంజ్ లో కుమ్ముతాడో

అమ్మడు.. లెట్స్ డు కుమ్ముడు.. ఈ పాట సృష్టించిన సంచలనాలు అన్నీ ఇన్నీ కావు. మెగాస్టార్ చిరంజీవి ఖైదీ నంబర్ 150 ఆడియో ఫంక్షన్ క్యాన్సిల్ అయిన తర్వాత.. పాటలను ఆన్ లైన్ లో రిలీజ్ చేయాలని నిర్ణయించి.. మొదటగా ఈ పాటనే రిలీజ్ చేశారు. జస్ట్ చిరు.. కాజల్ ల ఫోటోలతో యూట్యూబ్ లోకి వచ్చిన ఈ లిరికల్ సాంగ్.. ఇప్పటికే కోటిన్నర వ్యూస్ దాటిపోయి దూసుకుపోతోంది.

ఇప్పుడు ఖైదీ నంబర్ 150 రిలీజ్ అయ్యి దాదాపు మూడు వారాలు కావస్తుండడంతో.. అమ్మడు లెట్స్ డు కుమ్ముడు పాటలో.. 1 నిమిషం పాటు యూట్యూబ్ లో ఇచ్చారు. ఒరిజినల్ సాంగ్ లోని మొదటి నిమిషాన్ని కొంచెం ఎడిట్ చేసి.. షేర్ చేసింది కొణిదెల ప్రొడక్షన్ కంపెనీ. లిరికల్ సాంగ్ గానే ఎన్నెన్నో సంచలనాలు సృష్టించిన అమ్మడు.. లెట్స్ డు కుమ్ముడు పాట.. ఇప్పుడు వీడియో రూపంలో ఎన్ని సెన్సేషన్స్ సృష్టించనుందో అనే అంచనాలు మొదలైపోయాయి.

అయితే.. థియేటర్లలో ఇంకా ఖైదీ కుమ్ముడు టాప్ గేర్ లోనే ఉండడంతో.. మొత్తం పాటను మాత్రం అప్ లోడ్ చేయలేదు నిర్మాత చరణ్. కానీ ఒక్క నిమిషంపాటే అయినా.. మెగాస్టార్ గ్రేస్ ను మొబైల్ లో.. చూసుకుని తెగ ఎంజాయ్ చేసేస్తున్నారు మెగా ఫ్యాన్స్.



Like Us on Facebook : https://www.facebook.com/Tupakidotcom/