స‌హన‌టుడితో ఎమీ జాక్స‌న్ కొత్త ఎఫైర్?

సౌత్ లో మ‌ద‌రాసి ప‌ట్ట‌ణం- ఐ - 2.0 లాంటి భారీ చిత్రాల్లో న‌టించింది ఎమీజాక్స‌న్ . రామ్ చ‌ర‌ణ్ స‌ర‌స‌న 'ఎవ‌డు' చిత్రంలోనూ నాయిక‌గా న‌టించింది. త‌న‌దైన అందం న‌ట‌న‌తో ఈ బ్రిటీష్ బ్యూటీ ఇండియాలో భారీ ఫాలోయింగ్ సంపాదించుకుంది. అదే స‌మ‌యంలో బాలీవుడ్ లో ఎమీజాక్స‌న్ కెరీర్ స్పీడ్ మీద ఉన్న క్ర‌మంలోనే సినిమాలు త‌గ్గించుకుంది.

సౌత్ సూప‌ర్ స్టార్ ర‌జ‌నీ కాంత్ స‌ర‌స‌న 2.0లో న‌టించిన ఎమీజాక్స‌న్ ఆ త‌ర్వాత సినిమాల్లో న‌టించ‌లేదు. త‌న ఇంగ్లీష్ ప్రియుడు జార్జ్ ప‌నాయ‌టౌతో స‌హ‌జీవ‌నంలో ఒక బిడ్డ‌కు జ‌న్మ‌నిచ్చిన సంగ‌తి తెలిసిందే. త్వ‌ర‌లోనే బ్రిటీష్ బిజినెస్ మ్యాగ్నెట్ ప‌నాయ‌టౌని పెళ్లాడేయ‌నుంద‌ని కూడా క‌థ‌నాలొచ్చాయి. కానీ ఇప్ప‌టివ‌ర‌కూ ఎమీజాక్స‌న్ పెళ్లి గురించి స‌రైన అప్ డేట్ లేదు.

ఇంత‌లోనే ఎమీజాక్స‌న్ కి వేరొక న‌టుడితో ఎఫైర్ ఉందంటూ క‌థ‌నాలు హాలీవుడ్ మీడియాలో వేడెక్కిస్తున్నాయి. ఎమీ జాక్సన్ అత‌డితో కలిసి ఉన్న ఫోటో వైర‌ల్ కావ‌డంతో గాసిప్ హీటెక్కిస్తోంది. అత‌డి పేరు ఎడ్ వెస్ట్ విక్. త‌న‌తో ఎమీ జాక్స‌న్ డేటింగ్ ని ధృవీకరించారా? అని సందేహం వ్య‌క్తం చేస్తూ అభిమానులు ఈ ఫోటోని వైర‌ల్ గా షేర్ చేస్తున్నారు.

ఎడ్ వెస్ట్ విక్ ఒక ఆంగ్ల నటుడు. అతను 'గాసిప్ గర్ల్' లో 'చక్ బాస్' అనే ఐకానిక్ పాత్రతో పాపుల‌ర‌య్యాడు. అయితే ఎమీ అప్ప‌టికే జార్జ్ పనాయోటౌతో సంబంధంలో ఉంది. కానీ కొంతకాలం క్రితం లండన్ లో గాసిప్ గర్ల్ స్టార్ ఎడ్ వెస్ట్ విక్ తో అమీ జాక్సన్ చేయి చేయి కలిపి నడవడం డేటింగ్ పుకార్లకు దారితీసింది. ఇప్పుడు ఎమీ స్వ‌యంగా ఇన్ స్టాగ్రామ్ లో అత‌డితో శృంగార డేట్ కి సంబంధించిన‌ ఫోటోను షేర్ చేయ‌డంతో తన ప్రేమను అధికారికంగా చేసింద‌ని క‌థ‌నాలు వేడెక్కిస్తున్నాయి.

ఈ ఫోటోలో ఇద్దరూ చాలా సన్నిహితంగా హాయిగా ఉన్నారు. లండన్ స్ట్రీట్స్ లో ఈ జంట ఇలా చేతులు పట్టుకుని న‌డుస్తున్న ఫోటోలు వైరల్ గా మారాయి. ఇది కేవ‌లం గాసిప్ మాత్ర‌మేనా? జార్జి ప‌నాయ‌టౌతో ఎమీ సంబంధంలో ఏవైనా తేడాలొచ్చాయా? అంటూ ఇప్పుడు సందేహాలు వ్య‌క్త‌మ‌వుతున్నాయి.

ఒక అంద‌మైన కుమారుడికి జ‌న్మ‌నిచ్చిన ఎమీ-జార్జి జంట త్వ‌ర‌లో పెళ్లితో ఒక‌ట‌వుతార‌ని భావిస్తుండ‌గా ఇప్పుడు ఈ కొత్త గాసిప్ అభిమానుల్లో చ‌ర్చ‌కు వ‌చ్చింది. ఎమీజాక్స‌న్ తిరిగి భార‌తీయ సినీప‌రిశ్ర‌మ‌లో రీఎంట్రీ ఇచ్చేది ఎప్పుడో క్లారిటీ రావాల్సి ఉంది.