బీసెంట్ రోడ్ లో బ్రిటిష్ బ్యూటీ

బ్రిటన్ బ్యూటీ అమీ జాక్సన్ కు ఇప్పుడు దేశవ్యాప్తంగా డిమాండ్ ఉంది. టాప్ హీరోయిన్లలో తన పేరు ఎప్పుడో రాసేసుకున్న అమీ.. రజినీకాంత్-శంకర్ ల కాంబినేషన్ లో వస్తున్న రోబో సీక్వెల్ 2.0 షూటింగ్ ను పూర్తి చేసేసింది.

2010లో రిలీజ్ అయిన కోలీవుడ్ మూవీ మదరాసి పట్టణంతో ఈ లండన్ భామ ఇండియన్ స్క్రీన్ కు పరిచయం అయింది. అప్పటి నుంచి ఓ అరడజన్ తమిళ్ సినిమాల్లో చేసేసింది కానీ.. ఇప్పటివరకూ చెన్నైలోని ఓ స్టార్ హోటల్ లోనే అమ్మడు బస చేసేది. ఇప్పుడు సొంతింటిని ఏర్పాటు చేసుకోవాలనే ఆలోచన రాగానే.. మదరాసీ పట్టణంలోనే.. అపార్ట్ మెంట్ కొనేసింది అమీ జాక్సన్. చెన్నైలోని బీసెంట్ రోడ్ లో గ్రాండ్ ఎలియట్ కు దగ్గరలో ఓ లగ్జరియస్ ఫ్లాట్ ను కొనుక్కుంది అమీ జాక్సన్. ప్రస్తుతం ఈ ఫ్లాట్ కు.. బ్రిటన్ స్టైల్ లో ఇంటీరియర్ డెకరేషన్ చేయించుకుంటోంది.

ఈ పనులు పూర్తి కాగానే.. చెన్నైలోని సొంతింటికి మకాం మార్చేస్తుందట అమీ జాక్సన్. తనకు హీరోయిన్ గా లైఫ్ ఇచ్చిన నగరం కావడం.. అదే సిటీ పేరుతో ఉన్న సినిమాతోనే పరిచయం కావడంతోనే.. అమీ ఇలా సెంటిమెంటల్ గా చెన్నైలోనే సొంతింటిని అమర్చుకుందని భావించచ్చు.

Like Us on Facebook : https://www.facebook.com/Tupakidotcom/