గిగా బైట్ మెమ‌రీతో రోబో కిడ్ పుట్టేస్తే!

శంక‌ర్ రోబో గాళ్ గా ఎమీ జాక్స‌న్ నే ఎందుకు ఊహించుకున్నారో ఎవ‌రైనా చెప్ప‌గ‌ల‌రా? అలాంటి అరుదైన క్వాలిటీస్ ఒక్క ఎమీజాక్స‌న్ లో మాత్ర‌మే ఉన్నాయి కాబ‌ట్టి. 2.0 రిలీజై ఇంత‌కాలం అయ్యాక కూడా ఎమీలోని రోబోటిక్ ల‌క్ష‌ణాలు ఏమాత్రం త‌గ్గ‌లేదు. ఒక ఫ్రెగ్నెంట్ ఉమెన్ అయ్యి ఉండీ ఇదిగో ఇలా రోబోటిక్ విన్యాసాల‌తో ఆశ్చ‌ర్య‌ప‌రుస్తోంది.

గ‌ర్భ‌వ‌తి అయినంత మాత్రాన ఫిట్ నెస్ కి దూరం కావాల్సిన ప‌నే లేద‌ని లెస్స‌న్ చెబుతోంది. తాజాగా ఎమీ ఇచ్చిన ఈ ఫోజు అభిమానుల‌కు షాన్ నిస్తోంది. ఇప్ప‌టికే ఆరు నెల‌ల గ‌ర్భ‌వ‌తి అయ్యి ఉండీ ఇంత‌టి సాహ‌స‌మా? అంటూ ఆశ్చ‌ర్య‌పోతున్నారంతా. అందుకే ఎంద‌రు క‌థానాయిక‌లు ఉన్నా అందులో ఎమీ త‌న‌కంటూ ఓ ప్ర‌త్యేక‌త‌తో వెలిగిపోతోంది. స‌గ‌టు అమ్మాయి ఆలోచ‌న‌ల‌తో పోల్చి చూస్తే ఎమీ జాక్స‌న్ సంథింగ్ డిఫ‌రెంట్ అని చెప్ప‌క త‌ప్ప‌దు.

ఫ్రెగ్నెన్సీ క‌న్ఫామ్ అయ్యాకే ప్రియుడు జార్జి ప‌నాయ‌టౌతో నిశ్చితార్థం అయ్యింది. తొంద‌ర్లోనే అత‌డిని పెళ్లాడ‌నుంది కూడా. ఈలోగానే గ‌ర్భిణిగా ఉన్న ఎమీ పుట్ట‌బోయే బిడ్డ కోసం ఎంతో శ్ర‌ద్ధాస‌క్తుల‌తో ఇలా ఫిట్ నెస్ ని మెయింటెయిన్ చేయ‌డం షాకిస్తోంది. నిరంత‌రం జిమ్ కి వెళుతూ అక్క‌డ అవ‌స‌రం మేర క‌స‌ర‌త్తులు చేస్తోంది. ఎమీ క‌మిట్ మెంట్ చూస్తుంటే త‌న‌కో గిగా బైట్ మెమ‌రీతో మోస్ట్ ప‌వ‌ర్ ఫుల్ రోబో కిడ్ పుట్టినా ఆశ్చ‌ర్య‌పోన‌క్క‌ర్లేదేమో!!