యన్టీఆర్ నెక్ట్స్ జోడి ఇలియానా లేక అమీనా

జైలవకుశ కి మిక్స్ డ్ టాక్ వచ్చినా - యన్టీఆర్ కి ఉన్న మాస్ సపోర్ట్ ఈ సినిమాకి కలెక్షన్స్ మోతమొగుతున్నాయి. అప్పుడెప్పుడో యన్టీఆర్ ఆ తరువాత కృష్ణ - ఇక కొన్నాళ్ల క్రితం చిరంజీవి త్రిపాత్రాభినయంతో అభిమానుల్ని అలరించారని, వాళ్ల తరువాత మళ్లీ మా హీరోనే త్రిబుల్ యాక్షన్ చేసే సాహసం చేశాడని నందమూరి అభిమానులు సంబరాలు చేసుకుంటున్నారు. అందుకు తగ్గట్లుగానే విమర్శకులు సైతం జైలవకుశలో యన్టీఆర్ అభినయం పై ప్రసంశల జల్లు కురిపిస్తున్నారు. ఇక ఇదే ఊపుతో యన్టీఆర్ తన తదుపరి సినిమాలో కూడా నటించేందుకు రెడీ అవుతున్నాడని తెలిసింది. తన నెక్ట్ మూవీ త్రివిక్రమ్ తో ఉంటుందని స్వయంగా యన్టీఆర్ ప్రకటించడంతో, ఎన్నో రోజులుగా నలుగుతున్న వీరిద్దరి కాంబినేషన్ మూవీ ఎనౌన్స్ మెంట్ అఫీషియల్ అయిపోయింది.

ఈ విషయంలో త్రివిక్రమ్ సైలెంట్ గా ఉన్నా, మౌనమే అర్థంగీకారం అని చిత్ర వర్గాలు చెబుతున్నాయి. ఇది ఇలా ఉంటే ఈ సినిమాలో హీరోయిన్ ఇలియానా అని కొందరు కాదు రోబో బ్యూటీ అమీజాక్సన్ అని కొందరు అంటున్నారు. త్రివిక్రమ్ సన్నిహితులు మాత్రం యన్టీఆర్ జోడిగా అమీజాక్సన్ ఫిక్స్ అయిందని చెబుతున్నారు. ఇదే గనుక నిజమైతే యన్టీఆర్ - త్రివిక్రమ్ - అమీ కాంబో త్వరలోనే సెట్స్ పైకి రాబోతుందున్నమాట. మరి ఈ కాంబినేషన్ ఎలాంటి రికార్డుటు క్రియేట్ చేస్తుందో చూడాలి.