క్వీన్ రీమేక్‌.. అమీ జాక్సన్ ను భరించగలరా?

బాలీవుడ్ సూపర్ హిట్ మూవీ ‘క్వీన్’ రీమేక్ గురించి ఇప్పటికే చాలా డిస్కషన్ నడిచింది. తమిళ నటుడు.. నిర్మాత త్యాగరాజన్ ఈ చిత్రాన్ని దక్షిణాదిన నాలుగు భాషల్లో రీమేక్ చేయాలని ఆశించాడు. రీమేక్ హక్కులు కూడా ఆ ప్రకారమే కొన్నాడు. కానీ రీమేక్ కోసం నటీనటులు.. దర్శకుల ఎంపిక విషయంలో బాగా తాత్సారం చేసి.. ఈ రీమేక్ మీద జనాల్లో ఉన్న ఆసక్తి మొత్తం పోయేలా చేశాడు. ఐతే ఎట్టకేలకు ఈ మధ్యే కన్నడ ‘క్వీన్’ రీమేక్ మొదలైపోయింది. నటుడు.. దర్శకుడు రమేష్ అరవింద్ ఈ చిత్రాన్ని డైరెక్ట్ చేస్తుండటం విశేషం. పారుల్ యాదవ్ లీడ్ రోల్ చేస్తోంది. ‘క్వీన్’ ఒరిజినల్లో లిసా హేడెన్ ఓ కీలక పాత్ర చేసిన సంగతి గుర్తుండే ఉంటుంది.

ఆ పాత్రకు బ్రిటిష్ బ్యూటీ అమీ జాక్సన్ చేస్తుండటం విశేషం. ప్రస్తుతం అమీ సొంత గడ్డ లండన్లోనే ఈ సినిమా షూటింగ్ జరుగుతుండటం విశేషం. అక్కడే అమీ షూటింగ్ లో జాయిన్ కాబోతోందట. ఐతే ‘క్వీన్’ తమిళ వెర్షన్ కు తమన్నాను అనుకుని.. ఆమె అడిగినంత పారితోషకం ఇచ్చుకోలేక ఆ ప్రాజెక్టును తాత్కాలికంగా విరమించుకున్నాడు త్యాగరాజన్. మరి అమీ జాక్సన్ ను ఆయన ఎలా భరించగలిగాడన్నదే అర్థం కావడం లేదు. అమీ పారితోషకం కూడా బాగా ఎక్కువే. పైగా ప్రస్తుతం ఆమె ‘2.0’ లాంటి క్రేజీ ప్రాజెక్టులో పని చేస్తోంది. మామూలుగానే అమీ రెమ్యూనరేషన్ ఎక్కువంటే ఈ మధ్య ఇంకా పెంచిందంటున్నారు. మరి అమీని ఎంత పారితోషకానికి ఒప్పించాడో త్యాగరాజన్. లిసా పాత్రకు అమీ బాగానే సూటవుతుంది కానీ.. ఆమెను త్యాగరాజన్ ఎలా భరిస్తున్నాడన్నదే డౌటు. త్వరలోనే ‘క్వీన్’ తెలుగు.. తమిళ.. మలయాళ రీమేక్ లకు కూడా అనౌన్స్ చేయాలని చూస్తున్నాడు త్యాగరాజన్.

Like Us on Facebook : https://www.facebook.com/Tupakidotcom/