బ్రిటిష్ బ్యూటీకి కొత్త లవర్ దొరికాడు

లండన్ నుంచి వచ్చి కత్రినా కైఫ్ ఇండియాలో పాగా వేసేసిన తర్వాత.. అదే టైపులో జోరు చూపించి సెటిల్ అయిపోయిన బక్క భామ అమీ జాక్సన్. నార్త్ తో పాటు సౌత్ లోను భారీ ఆఫర్స్ ను పట్టేస్తూ ఎప్పటికప్పుడూ వార్తల్లో నిలుస్తోంది. శంకర్ లాంటి దర్శకుడు వరుసగా రెండుసార్లు అమీకి ఆఫర్ ఇచ్చాడంటేనే ఈ సొగసరి స్టామినా ఏంటో అర్ధమవుతుంది.

ప్రస్తుతం రజినీకాంత్ తో రోబో2 లో నటిస్తుండడంతో.. అమీ జాక్సన్ పేరు కోలీవుడ్ లో మార్మోగిపోతోంది. ఈ సినిమాతో ఇండియన్ ఫిలిం ఇండస్ట్రీలో పర్మినెంట్ గా సెటిల్ అయిపోవచ్చని అంచనా వేస్తున్న అమీ.. ఇప్పుడు రియల్ లైఫ్ లోనూ జోడీని వెతికేసుకుంటోంది. అసలు బ్రిటిష్ బ్యూటీకి గతంలోనే ఓ అఫైర్ ఉంది. ఏ మాయ చేశావే హిందీ రీమేక్‌ లో జంటగా నటించిన ప్రతీక్ బబ్బర్ తో స్ట్రాంగ్ రిలేషన్ మెయింటెయిన్ చేశాక.. అతగాడిని పక్కన పెట్టి కెరీర్ లో దూసుకెళ్లింది.

రీసెంట్ గా ఓ బ్రిటిష్ ఇనిస్టిట్యూట్ తరపున కేన్స్ లో హంగామా చేసిన అమీ.. అక్కడే తోడు వెతుక్కుంది. కేన్స్ లో పరిచయమైన బ్రిటిష్ సింగర్ జీన్ బెర్నార్డ్ ఫెర్నాండెజ్ తో తెగ తిరిగేస్తోంది. రెస్టారెంట్లు - పబ్ లు - డిన్నర్ పార్టీలు - ఔటింగ్ లతో హడావిడిగా ఉంది. కేన్స్ లో బంధాన్ని కంటిన్యూ చేసేయాలని ఫిక్స్ అయిపోయిందనే టాక్ గట్టిగానే వినిపిస్తోంది. మరి ఈ కొత్త లవర్ తో అయినా పర్మినెంట్ గా ఉంటుందా అంటే మాత్రం.. అప్పుడే ఆన్సర్ చెప్పడం కష్టమే.