అడ‌వి కాచిన వెన్నెల చందం!

అందం - ప్ర‌తిభ ఉన్నా అదృష్టం క‌లిసి రావాలి. ల‌క్ చిక్క‌క‌పోతే ఎంతందంగా ఉన్నా.. ఎంత గొప్ప‌గా న‌టించేసినా హిట్టు కొట్ట‌క‌పోతే సీన్ సితారే. అలా ఎంద‌రో క‌థానాయిక‌లు టాలీవుడ్ తెర‌పై ఇలా క‌నిపించి అలా మాయ‌మైపోయిన వాళ్లు ఉన్నారు. మాజీ విశ్వ‌సుంద‌రి ఐశ్వ‌ర్యారాయ్ ని త‌ల‌పించిన స్నేహా ఉల్లాల్ - మున్ మున్ సేన్ వార‌సురాళ్లు రియా సేన్- రైమా సేన్ ల‌కే తికాణా లేకుండా పోయింది.

ఈ భామ‌ల త‌ర‌హాలోనే అంతే క్యూట్ లుక్.. హాట్ అప్పీల్ తో క‌వ్వించింది అమైరా ద‌స్తూర్‌. న‌టించిన తొలి సినిమాతోనే కుర్ర‌కారులోకి చొచ్చుకుపోయింది. మంజుల ద‌ర్శ‌క‌త్వం వ‌హించిన `మ‌న‌సుకు న‌చ్చింది` చిత్రంతో తెలుగు తెర‌కు ప‌రిచ‌యం అయ్యింది. ఆ చిత్రంలో సందీప్ కిష‌న్ క‌థానాయ‌కుడిగా న‌టించాడు. కానీ తొలి ప్ర‌య‌త్నం బాక్సాఫీస్ వ‌ద్ద ఆశించిన ఫ‌లితం ద‌క్క‌లేదు. పైగా ఆ సినిమాలో ప‌క్కింట‌మ్మాయి త‌ర‌హా పాత్ర‌లో న‌టించ‌డం అమైరా మైలేజ్ కి అడ్డంకిగా మారింది. మొద‌టి సినిమా త‌ర్వాత ఎవ‌రూ పిలిచి అవ‌కాశం ఇచ్చిందే లేదు. అందుకే ప్ర‌స్తుతం ఈ అమ్మ‌డు టాలీవుడ్ లో ఉనికిని కోల్పోయి కొత్త ప‌రిశ్ర‌మ‌ల్లో అవ‌కాశాల కోసం ప్ర‌య‌త్నిస్తోంది.

అప్పుడ‌ప్పుడు లేటెస్ట్ ఫోటోషూట్ల‌తో అమైరా ద‌స్తూర్ హాట్ టాపిక్ గా నిలుస్తోంది. తాజాగా ఓ అవార్డుల వేడుక‌లో అమైరా ద‌స్తూర్ వేడెక్కించే లుక్ లో ప్ర‌త్య‌క్ష‌మై అభిమానుల‌కు పెద్ద షాక్ ఇచ్చింది. అమైరా ఈ కొత్త ఫోటోషూట్ లో మునుప‌టి కంటే హాట్ గా క‌నిపించింది. అంద‌మైన న‌వ్వుతో కుర్ర‌కారు గాలం వేసింది. ప్ర‌స్తుతం ఈ ఫోటోలు సామాజిక మాధ్య‌మాల్లో జోరుగా వైర‌ల్ అవుతున్నాయి. ప్ర‌స్తుత కెరీర్ ని ప‌రిశీలిస్తే.. 2019లో ఈ అమ్మ‌డు ఓ రెండు హిందీ చిత్రాల్లో - ఓ త‌మిళ చిత్రంలో న‌టిస్తోంది. త‌మిళంలో `ఊడి ఊడి ఉజైకానుమ్` అనే చిత్రంలో న‌టిస్తోంది. అలాగే బాలీవుడ్ లో మెంట‌ల్ హై క్యా, మేడ్ ఇన్ చైనా చిత్రాల్లో ఆడిపాడుతోంది.