రాజ్ తరుణ్ హీరోయిన్ ఫుల్ హ్యాపీ

అందంగా ఉంటుందనే గుర్తింపు వచ్చినా హిట్ సినిమా హీరోయిన్ అనే పేరు రాక ఇబ్బంది పడుతున్న భామ అమైరా దస్తూర్. బాలీవుడ్.. టాలీవుడ్.. కోలీవుడ్ మూడు భాషల్లోనూ సినిమాలు చేసినా ఎక్కడా సరైన బ్రేక్ రాలేదు. రీసెంట్ గా సందీప్ కిషన్ హీరోగా మహేష్ బాబు అక్క మంజుల డైరెక్ట్ చేసిన మనసుకు నచ్చింది సినిమాలో హీరోయిన్ గా నటించింది అమైరా దస్తూర్. అమ్మడు ఎన్నో ఆశలు పెట్టుకున్న ఈ సినిమా కాస్తా బాక్సాఫీస్ వద్ద బోల్తా కొట్టింది.

తాజాగా రాజ్ తరుణ్ హీరోగా నటించిన రాజుగాడు సినిమాలో కూడా అమైర్ హీరోయిన్ గా చేసింది. ఈ సినిమా రిలీజ్ వరసగా వాయిదా పడుతూ వస్తోంది. దీంతో డీలా పడ్డ ఈ భామకు ఓ క్రేజీ ప్రాజెక్టులో అవకాశం వచ్చింది. తెలుగు డైరెక్టర్ దేవా కట్టా తొలి సినిమా ప్రస్థానం హిందీలో రీమేక్ చేయబోతున్నాడు. ఈ మూవీలో హీరోయిన్ గా అమైరా ను ఎంపిక చేసుకున్నారు. బాలీవుడ్ స్టార్ హీరో సంజయ్ దత్ స్వయంగా నటిస్తూ నిర్మిస్తున్న ఈ మూవీతో తాను కోరుకున్న బ్రేక్ లభిస్తుందని అమైరా ఆశిస్తోంది.

అమైరా ఇంతకుముందు ధనుష్ హీరోగా నటించిన తమిళ్ మూవీ అనేగన్ లో నటించింది. ఇందులో ఆమె నటన బాగా నచ్చడంతో కావాలని ఏరికోరి ఈ రీమేక్ సినిమాలో తీసుకుంటున్నారని తెలుస్తోంది. ప్రస్థానం తెలుగు వెర్షన్ లో శర్వానంద్ హీరోగా నటించగా... హీరోయిన్ గా రూబీ పరిహార్ నటించింది.