ఈ సారి ముంబై పోరి దిగుమతి ఖాయమే?

అమైరా దస్తూర్.. టాలీవుడ్ సర్కిల్స్ లో ఈ పేరు చాలాకాలంగానే వినిపిస్తోంది. ఓ మూడేళ్లుగా మూడు నాలుగు హిందీ సినిమాలు చేసిన ఈ సందరాంగిని టాలీవుడ్ లో దించేందుకు ప్రయత్నాలు జరిగాయి. భారీ సినిమాల కోసమే ఆఫర్స్ వెళ్లాయనే టాక్ వినిపించింది. ఇన్నాళ్ల సంగతి ఏమో కానీ.. ఇప్పుడు అమైరా టాలీవుడ్ లో దిగేందుకు అన్నీ సిద్ధమైనట్లు తెలుస్తోంది.

రోగ్ మూవీ కోసం అమైరా దస్తూర్ ని మొదట తీసుకొచ్చాడు దర్శకుడు పూరీ జగన్నాథ్. ఏం జరిగిందో తెలీదు కానీ.. రెండంటే రెండు రోజులు షూటింగ్ చేసి, తర్వాత ముంబై ఫ్లైట్ ఎక్కేసి టాటా చెప్పేసింది. అలా పూరీ ద్వారా పరిచయం అయ్యే ఛాన్స్ వదులుకుంది. ఆ తర్వాత రామ్ చరణ్ పక్కన హీరోయిగా చేయనుందనే టాక్ వచ్చింది. ఇప్పుడు తెరకెక్కుతున్న ధృవ కోసం మొదట ఈమెనే సంప్రదించారన్నారు. అయితే.. ఆ ప్లేస్ లోకి రకుల్ వచ్చేసింది.

ఇప్పుడు మాత్రం అమైరా ఎంట్రీ ఖాయమేనని అంటున్నారు. యంగ్ హీరో రాజ్ తరుణ్ ప్రారంభించనున్న కొత్త సినిమా రాజుగాడు కోసం అమైరాను ఫైనల్ చేశారట. కొత్త డైరెక్టర్ సంజనా రెడ్డి తెరకెక్కించనున్న ఈ చిత్రం కోసం.. జూలై 1నుంచి అమైరా షూటింగ్ లో పాల్గొననుంది. ఇప్పటికే ఈ చిన్నది కోలీవుడ్ లో ధనుష్ సరసన అనేగన్ లో అరంగేట్రం చేయగా.. ఇప్పటికి టాలీవుడ్ ఎంట్రీ ఇస్తోంది.