Begin typing your search above and press return to search.
అడ్డాల 'అన్నాయ్‌' కి ముందు మరో సినిమా!
By: Tupaki Desk | 19 July 2021 5:29 AM GMT
కొత్త బంగారు లోకం సినిమాతో దర్శకుడిగా పరిచయం అయిన శ్రీకాంత్‌ అడ్డాల మొదటి సినిమాతోనే సూపర్ హిట్‌ ను దక్కించుకున్నాడు. సహజంగా సక్సెస్ దక్కించుకున్న దర్శకులు ఎవరైనా వెంటనే మరో రెండు మూడు సినిమాలు చేసి సక్సెస్ ను క్యాష్‌ చేసుకునే ప్రయత్నం చేస్తారు. కాని శ్రీకాంత్‌ అడ్డాల మొదటి సినిమా సూపర్ హిట్‌ అయినా కూడా రెండవ సినిమా కోసం ఏకంగా అయిదు సంవత్సరాలు వెయిట్‌ చేశాడు. తన వద్ద ఉన్న మల్టీ స్టారర్‌ ను మహేష్ బాబు.. వెంకటేష్‌ లతో చేయాలనే పట్టుదలతో ఆయన అంత కాలం వెయిట్‌ చేసి చివరకు సీతమ్మ వాకిట్లో సిరిమల్లె చెట్టుతో రెండవ సినిమాను అయిదు సంవత్సరాల గ్యాప్ లో విడుదల చేశాడు.
ఆ సినిమా హిట్‌ టాక్‌ దక్కించుకుంది. యూత్‌ తో పాటు ఫ్యామిలీ ఆడియన్స్ కు నచ్చడంతో భారీగా వసూళ్లు వచ్చాయి. ఆ సినిమా తర్వాత ఎక్కువ గ్యాప్ తీసుకోకుండా మెగా హీరో వరుణ్‌ తేజ్ తో ముకుందా సినిమాను పట్టాలెక్కించాడు. 2014 లో ముకుందా సినిమా ప్రేక్షకుల ముందుకు వచ్చింది. ముకుందా సినిమా నిరారశ పర్చింది. సీతమ్మ వాకిట్లో సిరిమల్లె చెట్టు సమయంలో ఇచ్చిన హామీ మేరకు మహేష్ బాబు మరో సినిమాను శ్రీకాంత్‌ అడ్డాల దర్శకత్వంలో చేసేందుకు ఓకే చెప్పాడు.
రెండవ సారి మహేష్ బాబును బ్రహ్మోత్సవం సినిమాలో చూపించాడు. ఆ సినిమా డిజాస్టర్ గా నిలిచింది. ఆ సినిమా తర్వాత మళ్లీ దర్శకుడు శ్రీకాంత్‌ అడ్డాల పెద్ద హీరోలతోనే సినిమాలు చేయాలనే పట్టుదలతో చిన్న ఆఫర్లను పక్కకు పెడుతూ వచ్చాడు. ఎట్టకేలకు ఈ ఏడాది నారప్ప సినిమాతో ప్రేక్షకుల ముందుకు రాబోతున్నాడు. విలక్షణ దర్శకుడిగా పేరు దక్కించుకున్న శ్రీకాంత్‌ అడ్డాల ఇలా రీమేక్ తో రావడం ఏంటీ అంటూ అంతా ఆశ్చర్యపోయారు. కాని ఆయన ఏదో ఒక సినిమా తో గ్యాప్ ను ఫిల్‌ చేయాలని భావించాడు. అందుకే వెంకటేష్‌ తో అసురన్‌ రీమేక్ గా నారప్పను చేశాడు. రేపు నారప్ప ప్రేక్షకుల ముందుకు ఓటీటీ ద్వారా రాబోతుంది.
పెద్ద ఎత్తున అంచనాలున్న నారప్ప సక్సెస్ అయినా ప్లాప్‌ అయినా కూడా శ్రీకాంత్‌ అడ్డాలకు పెద్దగా వచ్చేది పోయేది ఏమీ లేదు. కనుక ఆయన విషయంలో పెద్దగా చర్చ జరగడం లేదని మీడియా వర్గాల వారు గుసగుసలాడుకుంటున్నారు. అయితే శ్రీకాంత్‌ అడ్డాల తదుపరి సినిమా విషయంలో ఇటీవల చేసిన వ్యాఖ్యలు మాత్రం చర్చనీయాంశంగా మారాయి. అన్నాయ్‌ అనే టైటిల్ తో ఒక భారీ యాక్షన్‌ మూవీని మూడు పార్ట్‌ లుగా తెరకెక్కించేందుకు ఏర్పాట్లు చేస్తున్నట్లుగా అడ్డాల ప్రకటించాడు. ఆయనకు ఉన్న ప్రతిభతో ఖచ్చితంగా అన్నాయ్‌ సినిమాను సక్సెస్ చేసుకునే అవకాశం ఉంది. కాని ఆయన ఈ సమయంలో భారీ సినిమా అంటూ మొదలు పెట్టాలని పట్టుదలతో ఉంటే మళ్లీ మూడు నాలుగు ఏళ్ల గ్యాప్ వస్తుందని కొందరు అభిప్రాయం వ్యక్తం చేస్తున్నారు.
అందుకే కొత్త బంగారు లోకం తరహాలో ఒక మంచి ప్రేమ కథను లేదా మరేదైనా కథతో చిన్న సినిమాను తెరకెక్కించి సక్సెస్ ను దక్కించుకోవాలని.. అలా చేయడం వల్ల అన్నాయ్‌ సినిమా లో నటించేందుకు ఏ హీరో అయినా ఆసక్తి చూపించే అవకాశం ఉంటుందని కొందరు అడ్డాలకు సలహా ఇస్తున్నారు. లేదు అన్నాయ్‌ సినిమానే తన తదుపరి సినిమా అంటే మాత్రం అడ్డాల నుండి తదుపరి సినిమా చూడాలంటే ఎక్కువ కాలం వెయిట్‌ చేయాల్సి రావచ్చు అంటూ మీడియా వర్గాల వారు వ్యాఖ్యలు చేస్తున్నారు. శ్రీకాంత్‌ అడ్డాల అన్నాయ్‌ సినిమా ను గీతా ఆర్ట్స్‌ లో చేయబోతున్నట్లుగా ప్రకటించాడు. మరి ఎప్పటికి అనేది మాత్రం క్లారిటీ లేదు. భారీ సినిమా మూడు పార్ట్‌ లు అంటున్నారు కనుక ఖచ్చితంగా కాస్త సమయం పడుతుంది.. ఆ గ్యాప్ లో ఒక చిన్న సినిమా ను విడుదల చేస్తే బాగుంటుందని సగటు అడ్డాల అభిమాని ఆకాంక్ష.
ఆ సినిమా హిట్‌ టాక్‌ దక్కించుకుంది. యూత్‌ తో పాటు ఫ్యామిలీ ఆడియన్స్ కు నచ్చడంతో భారీగా వసూళ్లు వచ్చాయి. ఆ సినిమా తర్వాత ఎక్కువ గ్యాప్ తీసుకోకుండా మెగా హీరో వరుణ్‌ తేజ్ తో ముకుందా సినిమాను పట్టాలెక్కించాడు. 2014 లో ముకుందా సినిమా ప్రేక్షకుల ముందుకు వచ్చింది. ముకుందా సినిమా నిరారశ పర్చింది. సీతమ్మ వాకిట్లో సిరిమల్లె చెట్టు సమయంలో ఇచ్చిన హామీ మేరకు మహేష్ బాబు మరో సినిమాను శ్రీకాంత్‌ అడ్డాల దర్శకత్వంలో చేసేందుకు ఓకే చెప్పాడు.
రెండవ సారి మహేష్ బాబును బ్రహ్మోత్సవం సినిమాలో చూపించాడు. ఆ సినిమా డిజాస్టర్ గా నిలిచింది. ఆ సినిమా తర్వాత మళ్లీ దర్శకుడు శ్రీకాంత్‌ అడ్డాల పెద్ద హీరోలతోనే సినిమాలు చేయాలనే పట్టుదలతో చిన్న ఆఫర్లను పక్కకు పెడుతూ వచ్చాడు. ఎట్టకేలకు ఈ ఏడాది నారప్ప సినిమాతో ప్రేక్షకుల ముందుకు రాబోతున్నాడు. విలక్షణ దర్శకుడిగా పేరు దక్కించుకున్న శ్రీకాంత్‌ అడ్డాల ఇలా రీమేక్ తో రావడం ఏంటీ అంటూ అంతా ఆశ్చర్యపోయారు. కాని ఆయన ఏదో ఒక సినిమా తో గ్యాప్ ను ఫిల్‌ చేయాలని భావించాడు. అందుకే వెంకటేష్‌ తో అసురన్‌ రీమేక్ గా నారప్పను చేశాడు. రేపు నారప్ప ప్రేక్షకుల ముందుకు ఓటీటీ ద్వారా రాబోతుంది.
పెద్ద ఎత్తున అంచనాలున్న నారప్ప సక్సెస్ అయినా ప్లాప్‌ అయినా కూడా శ్రీకాంత్‌ అడ్డాలకు పెద్దగా వచ్చేది పోయేది ఏమీ లేదు. కనుక ఆయన విషయంలో పెద్దగా చర్చ జరగడం లేదని మీడియా వర్గాల వారు గుసగుసలాడుకుంటున్నారు. అయితే శ్రీకాంత్‌ అడ్డాల తదుపరి సినిమా విషయంలో ఇటీవల చేసిన వ్యాఖ్యలు మాత్రం చర్చనీయాంశంగా మారాయి. అన్నాయ్‌ అనే టైటిల్ తో ఒక భారీ యాక్షన్‌ మూవీని మూడు పార్ట్‌ లుగా తెరకెక్కించేందుకు ఏర్పాట్లు చేస్తున్నట్లుగా అడ్డాల ప్రకటించాడు. ఆయనకు ఉన్న ప్రతిభతో ఖచ్చితంగా అన్నాయ్‌ సినిమాను సక్సెస్ చేసుకునే అవకాశం ఉంది. కాని ఆయన ఈ సమయంలో భారీ సినిమా అంటూ మొదలు పెట్టాలని పట్టుదలతో ఉంటే మళ్లీ మూడు నాలుగు ఏళ్ల గ్యాప్ వస్తుందని కొందరు అభిప్రాయం వ్యక్తం చేస్తున్నారు.
అందుకే కొత్త బంగారు లోకం తరహాలో ఒక మంచి ప్రేమ కథను లేదా మరేదైనా కథతో చిన్న సినిమాను తెరకెక్కించి సక్సెస్ ను దక్కించుకోవాలని.. అలా చేయడం వల్ల అన్నాయ్‌ సినిమా లో నటించేందుకు ఏ హీరో అయినా ఆసక్తి చూపించే అవకాశం ఉంటుందని కొందరు అడ్డాలకు సలహా ఇస్తున్నారు. లేదు అన్నాయ్‌ సినిమానే తన తదుపరి సినిమా అంటే మాత్రం అడ్డాల నుండి తదుపరి సినిమా చూడాలంటే ఎక్కువ కాలం వెయిట్‌ చేయాల్సి రావచ్చు అంటూ మీడియా వర్గాల వారు వ్యాఖ్యలు చేస్తున్నారు. శ్రీకాంత్‌ అడ్డాల అన్నాయ్‌ సినిమా ను గీతా ఆర్ట్స్‌ లో చేయబోతున్నట్లుగా ప్రకటించాడు. మరి ఎప్పటికి అనేది మాత్రం క్లారిటీ లేదు. భారీ సినిమా మూడు పార్ట్‌ లు అంటున్నారు కనుక ఖచ్చితంగా కాస్త సమయం పడుతుంది.. ఆ గ్యాప్ లో ఒక చిన్న సినిమా ను విడుదల చేస్తే బాగుంటుందని సగటు అడ్డాల అభిమాని ఆకాంక్ష.
