పద్మావతికి అవార్డు వచ్చింది

అవార్డ్ అనే పదానికి ఒకానొక రోజుల్లో చాలా ప్రత్యేకత ఉండేది. ప్రశంస అని జ్ఞాపకంతో ఇచ్చే ఆ ఒక అవార్డ్ ఇప్పుడు అడుగడుగునా ఉంటోంది. ఉంటే పరవాలేదు గాని అందులో ఎంతవరకు న్యాయంగా అవార్డులను ఇస్తున్నారన్నది ఇప్పుడు అందరి మదిలో మెదులుతున్న ప్రశ్న. దీంతో ప్రముఖ అవార్డులపై కూడా అనుమానాలు వచ్చే పరిస్థితి ఏర్పాటైంది. కానీ ఆధార పూర్వకంగా అవార్డును ఇస్తే ఎవ్వరైనా ప్రశంసిస్తారు.

ఇక అసలు విషయానికి వస్తే.. రీసెంట్ గా బాలీవుడ్ బ్యూటీ దీపిక పదుకొణె కూడా ఆధార పూర్వకంగా అవార్డును అందుకుంది. ఆమె కెరీర్ లో ఎన్నో అవార్డులను అందుకున్నా కూడా ఈ పురస్కారం చాలా ప్రత్యేకమైనది అని చెప్పాలి. ఎందుకంటే అమ్మడు సోషల్ మీడియాలో ఎంత చురుగ్గా ఉంటుందో ప్రత్యేకంగా చెప్పనక్కర్లేదు. అయితే రీసెంట్ గా అమ్మడు తన ఇన్స్టాగ్రామ్ ఫాలోవర్స్ సంఖ్యని చాలా పెంచుకుంది. ఏకంగా రెండు కోట్లకు పైగా ఫాలోవర్స్ అందుకోవడంలో సక్సెస్ అయ్యిందని ఇన్స్టాగ్రామ్ యాజమాన్యం దీపికకు స్పెషల్ ట్రోపిని అందించింది.

దీంతో అందరు షాక్ అవుతున్నారు. ఇలాంటి వాటికి కూడా అవార్డులు ఇస్తారా అని ఒక్కొక్కరు ఒకో విధంగా కామెంట్స్ చేస్తున్నారు. ఏది ఏమైనా క్రేజ్ సంపాదించుకోవడంలో ఇటువంటివి ఉపయోగపడుతాయని మిగతా సెలబ్రెటీలకు చెప్పకనే చెబుతూ దీపిక అదే ఇన్స్గాగ్రామ్ లో ఫొటోను పోస్ట్ చేసింది. ఇక ఈ హీరోయిన్ నటించిన పద్మావతి సినిమా రిలీజ్ వివాదాల కారణంగా వాయిదా పడిన సంగతి తెలిసిందే.