త‌మ్ముడు దేవ‌ర‌కొండ అస్సలు ఖాళీ లేడట‌..!

యంగ్ సెన్సేషన్ విజయ్ దేవరకొండ తమ్ముడు ఆనంద్ దేవరకొండ 'దొరసాని' సినిమాతో హీరోగా ఇండస్ట్రీలో అడుగుపెట్టిన సంగతి తెలిసిందే. 'మిడిల్ క్లాస్ మెలోడీస్‌' సినిమాతో సూపర్ హిట్ అందుకున్న ఆనంద్.. ఐదు సినిమాలను లైన్ లో పెట్టాడు. ఇప్పటికే హోమ్ బ్యానర్ లో 'పుష్పక విమానం' అనే కామెడీ ఎంటర్టైనర్ ని విడుదలకు సిద్ధం చేశారు. ఇదే క్రమంలో '118' 'www' వంటి చిత్రాలను తెరకెక్కించిన సినిమాటోగ్రాఫర్ కేవీ గుహన్ దర్శకత్వంలో ''హైవే'' అనే క్రైమ్ థ్రిల్లర్ లో ఆనంద్ దేవరకొండ హీరోగా నటిస్తున్నాడు. శ్రీ ఐశ్వర్య లక్ష్మీ మూవీస్ బ్యానర్ పై వెంకట్ తలారి ఈ చిత్రాన్ని నిర్మిస్తున్నారు.

అలానే మధురా ఎంటర్టైన్మెంట్స్ - రోల్ కెమెరా విజువల్స్ సంస్థలు సంయుక్తంగా నిర్మిస్తున్న ఓ సినిమాకి ఆనంద్ కమిట్ అయ్యాడు. హై లైఫ్ ఎంటర్టైన్మెంట్ బ్యానర్ లో కేదార్ సెలగం శెట్టి - వంశీ కారుమంచి నిర్మించే సినిమాలో కూడా తమ్ముడు దేవరకొండ హీరో. ఇక టాలీవుడ్ లోని ప్రముఖ నిర్మాణ సంస్థల్లో ఒకటైన సురేష్ ప్రొడక్షన్స్ బ్యానర్ లో ఆనంద్ దేవరకొండ ఓ సినిమా చేయనున్నాడని సమాచారం. ఈ క్రమంలో 'క‌ల‌ర్ ఫొటో' సినిమా స్టోరీ రైటర్ క‌మ్ నిర్మాత సాయి రాజేశ్ తో యువ హీరో ఓ మూవీ చేయనున్నాడని తెలిసింది. ఆగ‌స్ట్ నుంచి ఈ సినిమా సెట్స్ మీద‌కి వచ్చే అవకాశం ఉంది.

ఓవరాల్ గా చూస్తే ప్రస్తుతం ఐదు ప్రాజెక్ట్స్ చేతిలో ఉంచుకొని దేవరకొండ బ్రదర్ ఫుల్ జోష్ లో ఉన్నాడు. ఆనంద్ లైనప్ చూస్తుంటే VD బ్రాండ్ త‌మ్ముడు మీద బాగానే పని చేస్తోందని అనుకోవాలని ఫిలిం సర్కిల్స్ లో కామెంట్స్ వినిపిస్తున్నాయి. ఇదిలా వుంటే 'పుష్ప‌క విమానం' సినిమా ఎప్పుడో రెడీ అయినా ఓటీటీ రిలీజ్ కు మాత్రం వెళ్లడం లేదు. 'మిడిల్ క్లాస్ మెలోడీస్‌' చిత్రంతో ఆనంద్ ఓటీటీలో మంచి క్రేజ్ తెచ్చుకున్నాడు. అయినప్పటికీ తన మూడో చిత్రాన్ని థియేట్రికల్ రిలీజ్ చేయాలని ఫిక్స్ అయ్యారు. మంచి ఆఫర్ రాకపోవడం వల్లనో లేదా థియేట్రికల్ రిలీజ్ చేస్తే ఎక్కువ డబ్బులు రాబట్టుకోవచ్చనో తెలియదు కాని.. 'పుష్పక విమానం' మాత్రం సినిమా హాళ్లలోనే విడుదల అవుతుందని మేకర్స్ క్లారిటీ ఇచ్చారు. ఈ సినిమా మంచి సక్సెస్ అందుకుని తమ్ముడు దేవరకొండ కి హీరోగా నిలబెడుతుందేమో చూడాలి.