ముద్దుగుమ్మల హాలోవీన్ పార్టీ.. బాబోయ్‌ భయపెట్టారుగా!

బాలీవుడ్ లో సెలబ్రెటీలు ఎప్పుడూ ఏదో ఒక పార్టీ చేసుకుంటూ సందడి చేస్తూనే ఉంటారు. సందర్భం వచ్చిందంటే చాలు వదిలి పెట్టకుండా దాన్ని సద్వినియోగం చేసుకుని పార్టీలు చేసుకోవడం బాలీవుడ్‌ వారికే చెల్లింది. తాజాగా హాలోవీన్ డే సందర్భంగా హాలోవీన్ పార్టీని బాలీవుడ్ సెలబ్రెటీలు జరుపుకున్నారు.

హాలోవీన్ డే లో భాగంగా కాస్త దెయ్యం మాదిరిగా డ్రస్సింగ్‌ అయ్యి సెలబ్రెటీలు పార్టీ లో పాల్గొన్నారు. ఇలాంటి పార్టీలు ఇండియాలో ఈ మధ్య కాలంలో మొదలు అయ్యాయి. కొత్త కనుక జనాలు బాబోయ్ అనుకుంటూ జుట్టు పీక్కునే అవకాశం కూడా ఉంది.

మరీ విదేశాల్లో మాదిరిగా హాలోవీన్ డే అనగానే దెయ్యాల మాదిరిగా మారకుండా కాస్త ఆ టచ్ ఇచ్చేలా హీరోయిన్స్ మేకప్ అయ్యారు. అతిలోక సుందరి శ్రీదేవి కూతురు జాన్వీ కపూర్‌ హాలోవీన్ డే పార్టీలో సందడి చేసింది. ఆమెతో పాటు అనన్య పాండే మరియు సారా అలీ ఖాన్ లు పాల్గొన్నారు.

వీరు ముగ్గురు హాలోవీన్ మాదిరిగా ఫోటోలకు ఫోజులు ఇవ్వడంతో పాటు ఒకరిపై ఒకరికి ఉన్న ప్రేమను చూపించే విధంగా ముద్దులు పెట్టుకున్నారు. ఇక జాన్వీ కపూర్‌ బ్లాక్ డ్రస్ లో బ్లాక్ పిప్‌ స్టిక్ తో కాస్త భయపెట్టే విధంగా ఉంది. జాన్వీ ని గుర్తించలేక పోయాం అంటూ కొందరు కామెంట్స్ చేస్తున్నారు. మొత్తానికి ముద్దుగుమ్మల హాలోవీన్ పార్టీ ఫోటోలు ప్రస్తుతం సోషల్‌ మీడియాలో వైరల్‌ అవుతున్నాయి.