ఇలియానా ప్లేస్ రీప్లేస్ చేస్తుందా..?

స‌న్న‌జాజి సోయ‌గం ఇలియానా లేని లోటు అలానే ఉంది. ఆ త‌ర్వాత ఎవ‌రూ అంత వైబ్రేంట్ గా టాలీవుడ్ లోకి దూసుకు రాలేదు. అందానికి అందం హాట్ నెస్ లో మ‌ళ్లీ సిమ్మిలారిటీస్ ఎవ‌రికి ఉన్నాయి? అన్న‌ది ఆరా తీస్తే .. అన‌న్య పాండే ఆ ప్లేస్ రీప్లే చేస్తుందేమో! అన్నంత‌గా మెస్మ‌రైజ్ చేస్తోంది.

దేవ‌దాస్ చిత్రంతో ఇలియానాను వైవియ‌స్ చౌద‌రి తెర‌కు ప‌రిచయం చేశారు. ఆ త‌ర్వాత పూరి జ‌గ‌న్నాథ్ తెర‌కెక్కించిన పోకిరితో ఇల్లీ రేంజ్ అమాంతం మారిపోయింది. స్టార్ హీరోయిన్ స్టాట‌స్ ని అందుకుని ఆ త‌ర్వాత ద‌శాబ్ధం పైగానే ఏలింది ఈ గోవా బ్యూటీ.

లైగ‌ర్ చిత్రంతో ఇప్పుడు స‌త్తా చాటేందుకు దూసుకొస్తోంది అన‌న్య పాండే. ఈ అమ్మ‌డిని నేరుగా మాస్ క‌మ‌ర్షియ‌ల్ డైరెక్ట‌ర్ పూరి జ‌గ‌న్నాథ్ టాలీవుడ్ కి ప‌రిచ‌యం చేస్తుండ‌డం త‌న‌కు కెరీర్ ప‌రంగా పెద్ద ప్ల‌స్ కానుంది. ఇప్ప‌టికే విజ‌య్ స‌ర‌స‌న అన‌న్య ఎంతో రొమాంటిక్ గా క‌నిపిస్తోంది. ఇందులో త‌న‌కు కూడా న‌టించేందుకు స్కోప్ ఉంద‌ని అనన్య డాడ్ చుంకీ పాండే ఇప్ప‌టికే వెల్ల‌డించారు. లైగ‌ర్ 2022 ఆగ‌స్టులో విడుద‌ల‌వుతుంది. ఇది పాన్ ఇండియా మూవీ. ఇటు సౌత్ లో అన్ని భాష‌లతో పాటు అటు నార్త్ లోనూ విడుద‌ల‌వుతోంది. అన‌న్య ఫేట్ ని మార్చే సినిమా అవుతుంద‌ని అంతా భావిస్తున్నారు. గోవా బ్యూటీ ఇలియానా త‌ర‌హాలోనే ఈ స‌న్న‌జాజి సోయ‌గం మెరుపులు విరుపులు తెలుగు ఆడియెన్ కి క‌నెక్ట‌వ్వ‌డం ఖాయ‌మేన‌ని భావిస్తున్నారు. అన‌న్య పాండే వ‌రుస ఫోటోషూట్లు కుర్ర‌కారుకు మ‌తులు చెడ‌గొడుతున్నాయి. సోష‌ల్ మీడియాల్లో ఈ ఫోటోలు వైర‌ల్ గా మారుతున్నాయి. ఇదిగో ఇలా ఫ్రెంచ్ ఫ్రైస్ తింటూ కూడా హృద‌యాల్ని కొల్ల‌గొడుతోంది. ఈ కులుకులు కుర్ర‌కారును క‌వ్విస్తున్నాయంటూ కామెంట్ల‌తో విరుచుకుప‌డుతున్నారు. ప్ర‌స్తుతం ఈ ఫోటోగ్రాఫ్ యూత్ లో వైర‌ల్ గా మారింది.