పూరీ - విజ‌య్ మ‌ధ్యలో బాలీవుడ్ బ్యూటీ..!

టాలీవుడ్ స్టార్ డైరెక్టర్ పూరీ జగన్నాథ్ - సెన్సేషనల్ స్టార్ విజయ్ దేవరకొండ కాంబినేషన్ లో 'ఫైటర్' అనే వర్కింగ్ టైటిల్ తో సినిమా రూపొందుతున్న సంగతి తెలిసిందే. పూరీ కనెక్ట్స్ బ్యారర్ ఫై పూరీ - ఛార్మీ ఈ చిత్రాన్ని నిర్మిస్తున్నారు. బాలీవుడ్ ప్రొడ్యూసర్ కరణ్ జోహార్ కూడా ఈ చిత్ర నిర్మాణంలో భాగస్వామిగా వ్యహరిస్తున్నారు. మేకర్స్ ఈ చిత్రాన్ని పాన్ ఇండియా ప్రాజెక్ట్ గా తీర్చిదిద్దుతున్నారు. ఇక ఈ చిత్రంతో బాలీవుడ్ బ్యూటీ అనన్య పాండే టాలీవుడ్ కి పరిచయమవుతోంది. అలానే సీనియర్ నటి రమ్యకృష్ణ కీలక పాత్రలో కనిపించనున్నారు. ఇప్పటికే ఈ సినిమా ముంబైలో భారీ షెడ్యూల్ కంప్లీట్ చేసుకుంది.

ఇదిలా ఉండగా ఈ పాన్ ఇండియా మూవీలో విజయ్ దేవరకొండ రోల్ కి ధీటుగా అన‌న్య పాండే క్యారెక్ట‌ర్ ఉంద‌ట‌. పూరీ జగన్నాథ్ సినిమాలలో హీరోయిన్స్ గ్లామర్ వలకబోసినప్పటికీ నటనకు కూడా ప్రాధాన్యం ఉంటుందనే విషయం తెలిసిందే. ఇప్పుడు అన‌న్య కోసం కూడా పూరీ అలాంటి రోల్ నే క్రియేట్ చేసాడట. అయితే ఈ హాట్ బ్యూటీ మాత్రం పూరీ మార్క్ యాక్ష‌న్ ని ప‌లికించ‌డంలో కాస్త స‌త‌మ‌త‌మ‌వుతున్న‌ట్లుగా ఫిలిం సర్కిల్స్ లో చెప్పుకుంటున్నారు. అంతేకాకుండా రౌడీ బాయ్ విజయ్ దేవరకొండ నేచురల్ పర్ఫార్మెన్స్ తో త‌న యాక్టింగ్ ని బ్యాలన్స్ చేయ‌డం కూడా అన‌న్య పాండేకి త‌లకు మించిన భారం అవుతున్న‌ట్లుగా సినీ వర్గాల స‌మాచారం. పూరీ ఇంట్రడ్యూస్ చేసిన హీరోయిన్స్ ఓ రేంజ్ లో రాణిస్తారని అందరూ నమ్ముతారు. మరి ఈ బాలీవుడ్ బ్యూటీ ఏమాత్రం మెప్పిస్తుందో చూడాలి.