నావైపు ఓలుక్కేయండి అంటోన్న `లైగ‌ర్` భామ‌!

ప్ర‌స్తుతం ఇన్ స్టాలో విక్కీ కౌశ‌ల్-క‌త్రినా కైఫ్ పెళ్లి ఫోటోలు వైర‌ల్ గా మారిన సంగ‌తి తెలిసిందే. ఈ గురువారం నాడు పెళ్లి అనంత‌రం ఆ ఫోటోల్ని విక్కీ-క్యాట్ ఇద్ద‌రూ సోష‌ల్ మీడియా వేదిక‌గా ఎవ‌రికి వారు షేర్ చేసారు. అభిమానులంతా ఆ జంట ఫోటోల‌కి లైక్ లు కొట్ట‌డం..షేర్ చేయ‌డం.. కామెంట్లు చేయ‌డంతోనే బిజీ అయ్యారు. ఈ హడావుడిలో ఇత‌ర‌ హీరోయిన్ లను ప‌ట్టించుకునే ప‌రిస్థితి లేదు.

స‌రిగ్గా ఇదే మాట అనేస్తూ బాలీవుడ్ యంగ్ బ్యూటీ అన‌న్యాపాండే త‌న వ్య‌థ‌ను చెప్పుకుంది. నాకు తెలుసు అంతా విక్కీ-క్యాట్ ఫోటోల‌పై కాన్సంట్రేట్ చేస్తార‌ని..కానీ నావైపు కూడా ఓ లుక్కేయండి. నా కొత్త ఫోటో చూసి మీరు ఆస్వాధ‌న‌లో మునిగి తేలండి అంటూ రిక్వెస్ట్ చేసింది.

ఫిల్మ్ ఫేర్ ఓటీటీ అవార్స్డ్ సంద‌ర్భంగా అన‌న్య పాండే క్రీమ్ కల‌ర్ గౌను ధ‌రించి కెమెరాకి ఫోజులిచ్చింది. దానికి సంబంధించిన ఫోటోని ఇన్ స్టాలో షేర్ చేసి విక్కీ-క్యాట్ ఫెళ్లి విష‌యాన్ని గుర్తు చేసింది ఇలా. ఈ ఫోటోల‌పై నెటిజ‌నులు త‌మ‌దైన శైలిలో కామెంట్లు గుప్పించారు. ప్ర‌శంస‌లు..ల‌వ్ ఎమోజీల తో అన‌న్యను మెప్పించారు.

ఇక అన‌న్య పాండే సినిమాల విష‌యానికి టాలీవుడ్ లో `లైగ‌ర్` చిత్రంతో ఎంట్రీ ఇస్తోంది. విజ‌య్ దేవ‌ర‌కొండ క‌థానాయ‌కు డిగా డ్యాషింగ్ డైరెక్ట‌ర్ పూరి జ‌గ‌న్నాథ్ ద‌ర్శ‌క‌త్వంలో తెర‌కెక్కుతోన్న చిత్రంపై భారీ అంచ‌నాలున్నాయి.

ఈ సినిమా స‌క్సెస్ అయితే గ‌నుక టాలీవుడ్ లో మంచి కెరీర్ ఉంటుంది. బాలీవుడ్ లో కెరీర్ ఆరంభంలోనే మంచి పెర్పార్మ‌ర్ గా నిరూపించుకుంది. ప్రామిసింగ్ న‌టిగా వెలిగిపోతుంది. అమ్మ‌డిలో ఆ ట్యాలెంట్ చూసే పూరి అవ‌కాశం క‌ల్పించారు.