అనసూయకి స్టార్ లక్షణాలు రాలేదా?

టీవీ యాంకర్ అనసూయ ఇప్పుడు సినిమా స్టార్ అయిపోయింది. తన మొదటి సినిమా సోగ్గాడే చిన్ని నాయన హిట్ కావడంతో లక్కి హ్యాండ్ అని కూడా అనిపించుకుంది. ఇప్పుడు మరో సినిమాతో ప్రేక్షకుల ముందుకొస్తోంది అనసూయ. క్షణం అనే సస్పెన్స్ థ్రిల్లర్ త్వరలో ప్రేక్షకుల ముందుకు రానుంది.

మరి సినిమా అన్నాక ప్రమోషన్ ఉండాలి కదా. సాధారణంగా ఇలాంటి ఈవెంట్లకు, ప్రెస్ కాన్ఫరెన్స్ లకు యాంకర్ అనసూయ ఓ పది నిమిషాల ముందే వచ్చేస్తుంది. కానీ ఇప్పుడు హీరోయిన్ అనసూయ కదా లేట్ గా వచ్చింది. అందరూ ఇలాగే అంటారని ఈజీగానే ఎక్స్ పెక్ట్ చేసేసింది ఈ సెక్సీ యాంకర్ కం యాక్టర్. అందుకే 'నేనేమీ స్టార్ అయిపోయానని అనుకోవడం లేదు, అలా ప్రవర్తించడం లేదు కూడా. యాక్చువల్ గా చెన్నై నుంచి వస్తున్నాను, ఫ్లైట్ డిలే అయింది, అందుకే లేట్ ' అంటూ పెద్ద ఎక్స్ ప్లనేషన్ ఇచ్చింది అనసూయ.

క్షణం మూవీలో తన కేరక్టర్ గురించి కూడా చెప్పుకొచ్చింది. ఈ ఆఫర్ తన దగ్గరకు వచ్చినపుడు ఆదాశర్మ చేసిన గ్లామర్ రోల్ తనకు ఇస్తారని అనుకుందట. కానీ.. ఊహించని విధంగా ఇన్వెస్టిగేటివ్ రోల్ అనేసరికి ఆశ్చర్యపోయిందట అనసూయ. యాంకర్ అయిన తనకు ఇలాంటి డిఫరెంట్ రోల్ ఇవ్వాలన్న ఆలోచనకే హ్యాట్సాఫ్ అంటోంది అనసూయ. ఇక అనసూయ కొన్ని నిమిషాల పాటు కనిపించే రోల్ చేస్తేనే సోగ్గాడే చిన్ని నాయన అంత పెద్ద హిట్ అయితే.. 30 నిమిషాల పాటు ఈమె పాత్ర ఉండే క్షణం ఇంకా పెద్ద హిట్ అవుతుందని అంటున్నారు యూనిట్. నిజానికి క్షణం మూవీనే అనసూయకు ఫస్ట్ సినిమా అవ్వాలి. కానీ సోగ్గాడే చిన్ని నాయన ముందు రిలీజ్ అయిపోయి, లాంఛింగ్ మూవీ అయిపోయింది.