స్టార్ యాంకర్ పై మరో టాప్ యాంకర్ ఫైర్!

తెలుగు బుల్లితెరపై యాంకర్ రవికి సపరేట్ ఫ్యాన్ ఫాలోయింగ్ ఉంది. యాంకర్ రవి అంటేనే ఎనర్జీటిక్ పర్సన్. ఎప్పుడు నవ్వుతూ నవ్విస్తుండే అతడి చలాకీ తనమే అతడిని ఇంతటివాడిని చేసిందని చెప్పవచ్చు. రవి బుల్లితెరపై వచ్చే ఎన్నో షోలలో తనదైన కామెడీని పండిస్తూ దూసుకుపోతున్నాడు. వెండితెర పై హీరోగా కనిపించి క్యారెక్టర్లలో కూడా కొన్ని సినిమాలలో మెరిశాడు. అంతేగాక ఎన్నో సినిమా ఫంక్షన్లకు హోస్ట్ గా చేశాడు. దీంతో రవి బిజీ బిజీగా గడుపుతున్నాడు. ఈ క్రమంలోనే అతడు తెలుగు రాష్ట్రాల్లోనే వన్ ఆఫ్ ది టాప్ మేల్ యాంకర్ అయిపోయాడు. అయితే ప్రస్తుతం లాక్ డౌన్ కారణంగా షూటింగ్ లు లేక ఇంటికే పరిమితం అయ్యాడు.

అయితే యాంకర్ రవి ఇంట్లో ఖాళీగా కూర్చోకుండా ప్రస్తుతం యూట్యూబ్ వీడియోలు చేస్తున్నాడు. తన ఫ్యాన్స్ ను సంతోష పెట్టేందుకు రవి ఎంతో ట్రై చేస్తున్నాడట. అయితే ఈ మధ్య కాలంలోనే రవి ఓ ప్రాంక్ కాల్ చేసి యాంకర్ అనసూయ చేతిలో చివాట్లు తిన్న సంఘటన వైరల్ అవుతోంది. యాంకర్ అనసూయకు ఫోన్ చేసి తాను తెలంగాణ హెల్త్ డిపార్ట్ మెంట్ నుంచి ఫోన్ చేస్తున్నాను అని చెప్పి ఆటపట్టించే ప్రయత్నం చేశాడు. అయితే అటు అనసూయ కూడా రవిని గుర్తు పట్టకుండా వివరాలు చెప్పేసిందట. దీంతో చివరిగా రవి స్వయంగా తానే అని చెప్పుకోవాల్సి వచ్చింది. అయితే అనసూయ మాత్రం ఇది ప్రాంక్ కాల్ చేసే టైమ్ కాదని, కాస్త గట్టిగానే ఫైర్ అయ్యిందట. ఇద్దరి మధ్యలో మంచి రిలేషన్, చనువు ఉన్నప్పటికీ అనసూయ మాత్రం బూతులు తిడుతూ విరుచుకుపడింది. దీంతో ఆశ్చర్యపోవడం రవి వంతయ్యింది.