హీరోయిన్లకే అసూయ పుట్టించే అనసూయ లుక్స్

తెలుగు బుల్లితెర స్టార్ యాంకర్‌ అనసూయ అంటే తెలుగు ప్రేక్షకులకు పరిచయం అక్కర్లేని పేరు. ఈ గ్లామరస్ బ్యూటీ ప్రస్తుతం వెండితెరపై వరుస అవకాశాలతో దూసుకుపోతుంది. ఇక అందాలతో మాయ చేయడం అనసూయకు కొత్తేమీ కాదు. టీవీ సినిమాలే కాదు సోషల్ మీడియాలో కూడా అమ్మడి అందాలకు ఫ్యాన్ ఫాలోయింగ్ బాగానే ఉంది. ఈ మేరకు తాజాగా అనసూయ ఇంస్టాగ్రామ్ లో పోస్ట్ చేసిన ఫోటో కుర్రకారుకు పిచ్చెక్కిస్తోంది. స్టార్ హీరోయిన్లకు అసూయ పుట్టేవిధంగా అనసూయ అందాలు అట్రాక్ట్ చేస్తున్నాయి. ప్రస్తుతం ఈ ఫోటో సోషల్ మీడియాలో వైరల్ అవుతోంది. అనసూయ ఎప్పటికప్పుడు కొత్త కొత్త ట్రెండి డ్రెస్సింగ్ స్టైల్స్ తో అభిమానులను ఆకర్షిస్తుంది.

తాజాగా అనసూయ పోస్ట్ చేసిన సెల్ఫీ ఫోటోలో బూడిద రంగు సారీలో వయ్యారాలు ఒలకబోస్తూ స్పైసీ లుక్ లో దర్శనమిచ్చింది. కేవలం అందంగా కనిపించడమే కాదు అందుకు తగట్టుగా మంచి స్మైల్ కూడా ఇచ్చింది. సోషల్ మీడియాలో అనసూయకు స్టార్ హీరోయిన్లలాగే భారీ ఫాలోయింగ్ ఉండటంతో ఈ ఫొటోకు లైక్స్ వర్షం కురుస్తోంది. చూస్తుంటే మతిపోతుంది, సూపర్ - బ్యూటిఫుల్ అంటూ కామెంట్లతో హోరెత్తిస్తున్నారు ఫ్యాన్స్. సినిమాలలో కేవలం గ్లామర్ పాత్రలే కాకుండా విలక్షణ పాత్రలు పోషిస్తూ మెప్పిస్తోంది. అందులో భాగంగానే క్షణం, రంగస్థలం సినిమాలతో మంచి నటిగా అనసూయ గుర్తింపు పొందింది. త్వరలోనే కొత్త సినిమాలతో ప్రేక్షకుల ముందుకు రానుందట అమ్మడు.