పుష్పలో రంగ‌మ్మ‌త్త ట్రీట్ మ‌ళ్లీ ఆ లెవ‌ల్లోనే

`రంగ‌స్థ‌లం`లో రంగ‌మ్మ‌త్త‌గా న‌టించిన అన‌సూయ ఫేట్ ఓవ‌ర్ నైట్ అమాంతం మారిపోయిన సంగ‌తి తెలిసిందే. ఒకే ఒక్క స‌రైన అవ‌కాశం ఎలా మార్చేస్తుందో అన‌సూయకు ఆమె అభిమానుల‌కు స్ప‌ష్ఠంగా అర్థ‌మైంది. రంగ‌మ్మ‌త్త‌గా అన‌సూయ ఆహార్యం మాస్ అభిమానుల‌కు పిచ్చెక్కించింది.

ఆ త‌ర్వాత కూడా మ‌ళ్లీ అన‌సూయ‌ను అలాంటి పాత్ర‌లో చూడాల‌ని అభిమానులు తాప‌త్రాయ‌ప‌డుతున్నారు. అదే క్ర‌మంలో బ‌న్ని హీరోగా సుకుమార్ పుష్ప మొద‌ల‌వ్వ‌గానే.. ఈ చిత్రంలోనూ అన‌సూయ‌కు ఆఫ‌ర్ ఇచ్చార‌ని ప్ర‌చార‌మైంది. సుకుమార్ త‌న కోసం మ‌ళ్లీ ఆ రేంజు పాత్ర‌నే క్రియేట్ చేశార‌ని క‌థ‌నాలొచ్చాయి.

కానీ ఇటీవ‌ల ఓ ఇంట‌ర్వ్యూల అస‌లు త‌న‌కు సుకుమార్ నుంచి కాల్ రాలేద‌ని పుష్ప‌లో న‌టించ‌డం లేద‌ని అన్నారు అన‌సూయ‌. కానీ ఇంత‌లోనే పుష్ప‌లోనూ అవ‌కాశం ద‌క్కించుకున్నారు. ఈ సినిమాలో త‌న పాత్ర‌కు సంబంధించిన చిత్రీక‌ర‌ణ పూర్త‌యింద‌ని స‌మాచారం. కోవిడ్ కేసుల పెరుగుదల మధ్య అదనపు జాగ్రత్తలు పాటిస్తూ ఆమె దృశ్యాలు హైదరాబాద్ లో చిత్రీక‌రించార‌ట‌.

అంతా బాగానే ఉంది కానీ.. మీడియా అలా వ‌రుస క‌థ‌నాలు అల్ల‌డం వ‌ల్ల‌నే సుక్కూకి క‌నెక్ట‌య్యి అవ‌కాశం ఇచ్చార‌నేది అన‌సూయ‌కు అర్థ‌మైందా? త‌ను ఇలాంట‌ప్పుడు క‌నీసం మీడియాకి థాంక్స్ కూడా చెప్ప‌రా? అని కొంద‌రు ప్ర‌శ్నిస్తున్నారు.

అన‌సూయ ఇటీవ‌ల `స్పెష‌ల్ హీరోయిన్` గా స్పెషల్ నంబ‌ర్ల‌(వీటిని ఐటెమ్ అన‌కూడదు) లోనూ న‌టిస్తున్నారు. మ‌రోవైపు వ‌రుస‌గా అర‌డ‌జ‌ను పైగా క్రేజీ టాలీవుడ్ సినిమాల్లో న‌టిస్తున్నారు. మమ్ముట్టి తో క‌లిసి భీష్మపర్వంలో న‌టిస్తూ మాలీవుడ్ లోకి అడుగుపెడుతున్నారు.