ఫోటో స్టోరి: శాంటా గెటప్ లో యాంకర్

యాంకర్ కం హోస్ట్ కం యాక్టర్ అయిన బ్యూటీ అనసూయ ఎప్పటికప్పుడూ కొత్త కొత్తగా ట్రై చేస్తూనే ఉంటుంది. ప్రతీ ఈవెంట్ కు తప్పనిసరిగా ఆకట్టుకునే డ్రెసింగ్ తో తెగ ఎట్రాక్ట్ చేస్తూ ఉంటుంది. థీమ్ కు తగినట్లుగా డ్రెసింగ్ చేసుకోవడంలో ఈమెకు బోలెడంత ట్యాలెంట్ ఉంది.

ఇప్పుడంతా క్రిస్మస్ హడావిడి నడుస్తోంది. టీవీలు.. ఛానళ్లు.. సోషల్ మీడియా.. ఇలా ఎక్కడ చూసినా క్రిస్మస్ సెలబ్రేషన్స్ కనిపిస్తున్నాయి. ఇలాంటి సమయంలో అనసూయ మాత్రం ఊరికినే ఉంటుందా? ఎంచక్కా తను కూడా శాంటా మాదిరిగా రెడీ అయిపోయింది. ఓ టీవీ ఛానల్ కోసం నిర్వహించిన కార్యక్రమంలో.. ఇదిగో ఇలా శాంటా గెటప్ లో దర్శనం ఇచ్చేస్తోంది అనసూయ. బ్లాక్ టాప్.. రెడ్ చెక్స్ బాటమ్ ధరించిన ఈ సెక్సీ బ్యూటీ.. శాంటో క్యాప్ తో భలే క్యూట్ గా కనిపిస్తోంది.

ప్రపంచమంతా శాంటా కోసం ఎదురుచూస్తున్న టైంలో.. లేడీ శాంటా టైపులో అనసూయ రెడీ అయిపోయి దర్శనం ఇవ్వడం.. కచ్చితంగా అట్రాక్ట్ చేసే విషయమే. అంతా బాగానే ఉంది కానీ.. శాంటాగా అనసూయ ఏమేం గిఫ్టులు అందిస్తుందో మాత్రం చెప్పలేదు. సహజంగా అయితే తన గ్లామర్ నే ఫ్యాన్స్ కి గిఫ్ట్ గా ఇచ్చేయడం అనసూయకు అలవాటు. ఇప్పుడు శాంటా గెటప్ లో ఈ భామ ఇంకెన్ని చిత్రాలు చూపించనుందో!