మెయిడ్ చేసిన మహా సాయం

రంగస్థలం మూవీలో రామ్ చరణ్ పాత్రకు ఎంతగా పేరు వచ్చిందో.. అలాగే ఆ సినిమాలోని ఇతర పాత్రలలో నటించిన అందరికీ బోలెడన్ని ప్రశంసలు దక్కుతున్నాయి. ముఖ్యంగా హాట్ యాంకర్ ఇమేజ్ ఉన్న అనసూయ అయితే రంగమ్మత్త పాత్రలో ఇరగదీసేసింది. ఆ పాత్రను అనసూయ తప్ప వేరెవరూ పోషించినా న్యాయం జరిగేది కాదన్న స్థాయిలో పండించేసింది అనసూయ.

అయితే.. ఈ క్యారెక్టర్ గురించి తెలిసిన తర్వాత.. ఆ పాత్రలో నటించడానికి ఒప్పుకున్న తర్వాత.. అందులో ఒదిగిపోవడం ఎలా అనే విషయం పై బోలెడంత మథనపడిందట అనసూయ. చివరకు ఆమెకు ఓ అద్భుతమైన ఐడియా వచ్చింది. తన ఇంట్లో పని చేస్తున్న ఓ మెయిడ్ ది రాయలసీమ కాగా.. ఆమె ప్రవర్తనను మాటతీరును కొన్నిరోజుల పాటు పరిశీలిస్తూనే ఉందిట అనసూయ. చివరకు ఓ అంచనాకు వచ్చి.. అందుకు తగినట్లుగా సినిమాలో యాక్ట్ చేసి చూపిందట.

అనసూయ యాక్టింగ్ చూసి దర్శకుడు సుకుమార్ కూడా ఆశ్చర్యపోయాడట. తన పని సులభం అయిపోయింది అన్నాడట సుక్కు. మరోవైపు అనసూయకు కూడా ఆ పాత్రను మరింత సహజంగా నటించేందుకు.. ఆ పాత్రలో పరకాయ ప్రవేశం చేసేందుకు అలా మెయిడ్ రూపంలో సాయం చేసింది. రంగమ్మత్త రోల్ అంత అద్భుతంగా కుదరడం వెనక.. అలా మెయిడ్ చేసిన మహాసాయం ఉందని చెప్పింది అనసూయ.