అనసూయ మరో సోలో ప్రయత్నం

హాట్‌ బ్యూటీ జబర్దస్త్‌ యాంకర్ అనసూయ హీరోయిన్ గా కంటిన్యూగా సినిమాలు చేస్తోంది. అయితే ఈమె కమర్షియల్‌ గా రెగ్యులర్ హీరోయిన్‌ ల మాదిరిగా కాకుండా పాత్రకు ప్రాముఖ్యత ఉన్న లేడీ ఓరియంటెడ్ సినిమాల్లో హీరోయిన్ గా నటిస్తోంది. క్షణం.. కథనం.. థ్యాంక్యూ బ్రదర్‌ వంటి విభిన్న చిత్రాల్లో విలక్షణ పాత్రల్లో కనిపించిన జబర్దస్త్‌ అనసూయ నటిగా తనను తాను ఇప్పటికే నిరూపించుకుంది. అయితే పలు సినిమాల్లో నటించినా.. ఇంకా పలు సినిమాలతో ప్రేక్షకుల ముందుకు వచ్చేందుకు సిద్దం అయినా కూడా ఇప్పటికి కూడా అనసూయను రంగస్థలం సినిమాలోని రంగమ్మత్త అనే పిలుస్తున్నారు. ఆ పాత్ర అనసూయ కెరీర్ లో నిలిచి పోయేలా ఉంటుంది అనడంలో సందేహం లేదు. అంతకు మించిన పాత్ర చేయాలని అనసూయ కోరుకుంటుంది. కాని అది మాత్రం సాధ్యం అవ్వడం లేదు. ఈ క్రమంలోనే అనసూయ మరో ప్రయత్నంను చేసేందుకు సిద్దం అయ్యింది అంటూ వార్తలు వస్తున్నాయి.

విశ్వసనీయంగా అందుతున్న సమాచారం ప్రకారం అనసూయ సోలో హీరోయిన్ గా కొత్త దర్శకుడు ఒక సినిమాను చేసేందుకు సిద్దం అయ్యాడు. సంపత్‌ నంది వద్ద సుదీర్ఘ కాలంగా అసోషియేట్ గా వర్క్ చేస్తున్న కుర్రాడు దర్శకుడిగా మారబోతున్నాడట. అతడి కథ మరియు స్క్రిప్ట్‌ విషయంలో సంపత్‌ నంది సలహాలు సూచనలు ఇస్తూ వస్తున్నాడని... అనసూయను కూడా సంపత్ నంది ఒప్పించారనే వార్తలు వస్తున్నాయి. అనసూయ కథ మరియు పాత్ర నచ్చడంతో కొత్త దర్శకుడితో కలిసి వర్క్ చేసేందుకు ఓకే చెప్పిందని అంటున్న ఈ సినిమాకు సంబంధించిన పూర్తి వివరాలను త్వరలో వెళ్లడించేందుకు ఏర్పాట్లు చేస్తున్నారు. భారీ ఎత్తున అంచనాలున్న గాడ్ ఫాదర్ సినిమా తో పాటు రవితేజ ఖిలాడీ ఇంకా కొన్ని చిన్న చిత్రాల్లో అనసూయ కీలక పాత్రల్లో కనిపించబోతున్నట్లుగా తెలుస్తోంది.

ఒక వైపు పెద్ద హీరోల సినిమాల్లో చిన్న పాత్రలు.. కీలక పాత్రల్లో కనిపిస్తున్న అనసూయ మరో వైపు లేడీ ఓరియంటెడ్ సినిమాలను కంటిన్యూస్ గా చేస్తూనే ఉంది. నటిగా తనను తాను నిరూపించుకునేందుకు విలక్షణ పాత్రలను అనసూయ ఎంపిక చేసుకుంటున్న విధానం అభినందనీయం. కమర్షియల్‌ పాత్రలు కాకుండా పద్దతైన పాత్రలు.. ఛాలెంజింగ్ రోల్స్ ను ఆమె చాలా చక్కగా డీల్ చేస్తుంది అంటూ కామెంట్స్ వస్తున్నాయి. మొత్తానికి అనసూయ హీరోయిన్ గా సక్సెస్ అయ్యేందుకు చేస్తున్న ప్రయత్నాలు ముందు ముందు అయినా ఫలించి ఆమెకు మరింత మంచి గుర్తింపును తెచ్చి పెడుతుందేమో చూడాలి. ఇద్దరు పిల్లల తల్లి అయిన తర్వాత కూడా నటిగా ఇంత బిజీగా అది కూడా హీరోయిన్ గా చేయడం అంటే కేవలం టాలీవుడ్ లో అనసూయకు మాత్రమే చెల్లింది అంటూ కామెంట్స్ వినిపిస్తున్నాయి.