అనసూయకి 'కథనం' కీలకం

తన క్రేజ్ తో బుల్లితెర నుండి వెండితెరకొచ్చిన అనసూయకి ఇప్పుడు కథనం పెద్ద టాస్క్ అనే చెప్పాలి. ఇప్పటి వరకూ ఏదో ఇంపార్టెన్స్ ఉన్న క్యారెక్టర్స్ చేస్తూ కెరీర్ ను బాగానే కొనసాగించిన అను ఈ సినిమాతో తన స్టామినా ఎంటన్నది కలెక్షన్స్ రూపంలో నిరూపించుకోవాలి. కథనంకి తొలి రోజు ఓ మోస్తరు కలెక్షన్స్ వస్తేనే అమ్మడి క్రేజ్ ఎలా ఉందనేది అర్థం అవుతుంది. సినిమాకు ప్రమోషన్స్ కూడా అంతంత మాత్రంగానే ఉన్నాయి. ప్రీ రిలీజ్ ఈవెంట్ కూడా చేయలేదు.

ఇప్పటికే 12 కథలు రిజెక్ట్ చేసి మరీ ఈ సినిమా చేసింది అనసూయ. ఒక వేళ తన నమ్మిన సినిమాకు తొలి రోజు కలెక్షన్స్ రాకపోతే ఇక అంతే సంగతులు. తొలి రోజు కలెక్షన్స్ ఎఫెక్ట్ రెండో రోజు మీద కూడా పడతాయి. ఈ లోపు టాక్ కూడా బయటికొచ్చేస్తుంది. అనసూయ తప్ప సినిమాలో నటించిన ఎవరికీ జనాలను థియేటర్స్ కి రప్పించే సీన్ అయితే లేదు. పైగా డైరెక్టర్ కూడా కొత్తే.

ట్రైలర్ పరవాలేదు అనిపించుకున్న ఈ సినిమా నిలబడాలంటే మాత్రం సూపర్ హిట్ టాక్ రావాల్సిందే. మరి అనసూయ ఈ సినిమాతో ఏ రేంజ్ కలెక్షన్స్ రాబడుతుందో..ఎలాంటి హిట్ అందుకుంటుందో మరికొన్ని గంటల్లోనే తేలిపోతుంది.